Ekklesiastes 2:14 - An Bibel Kernewek 20234 (Kernewek Kemmyn)

¹⁴ An den fur – yma y dhewlagas yn y benn, mes an foll a gerdh yn tewlder. Byttegyns my a welas an keth tenkys dhe goedha warnedha aga dew.

Ekklesiastes 2:14 ပူးပေါင်းရင်းမြစ်များ

Salmow 19:10

Moy desirys yns i ages owr, ages meur a owr fin; ha hwekka yns i es mel, ha'n gribenn mel.

Salmow 49:10

Rag ev a wel tus skiansek dhe verwel, ha'n den anfur ha'n talsogh keffrys a dhe goll, ha gasa aga fythow dhe dus erell.

Salmow 49:11

Aga bedh yw aga chi bynitha, ha'ga annedhow a unn henedh dhe'n nessa; i a elow aga thiryow herwydh aga henwyn aga honan.

Lavarow Koth 14:8

Furneth den doeth yw dissernya y fordh, mes follneth fellyon yw toell.

Lavarow Koth 17:24

Yma furneth a-rag fas an den a gonvedhes, mes yma dewlagas foll war bennow an norvys.

Ekklesiastes 2:16

Ny vydh kov bys vykken naneyl dhe'n den fur, na dhe'n den foll, rag peub a vydh ankevys y'n dydhyow a dheu. Ass wra an den fur merwel kepar ha'n foll!

Ekklesiastes 3:19

Drefenn an keth tra yw tenkys mebyon den ha tenkys bestes. Kepar ha dell verow an eyl, yndella y ferow y gila; an dhew a'n jeves an keth anall. Nyns eus gwayn dhe vebyon den war an bestes, rag bos pup-tra euveredh.

Ekklesiastes 6:6

Kyn hwrella ev bewa diwweyth mil vlydhen, nyns yw ev lowen yn y sewena. A nyns a pubonan dhe'n keth tyller?

Ekklesiastes 6:8

Ytho pandr'a gyv an den fur moy es an den foll? Ha pandr'a gyv an boghosek dre wodhvos bewa?

Ekklesiastes 7:2

Gwell yw mos dhe ji kynvann ages mos dhe ji kevewi; rag bos mernans an denkys a beub oll ha res yw dhe'n den bew kemmeres henna yn y golonn.

Ekklesiastes 8:1

Piw yw kepar ha'n den fur? ha piw a woer an styryans a dra? Furneth den a wra dh'y fas golowi, ha semlans anhwek y fas yw treylys.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

Ekklesiastes 9:16

Hag yn-medhav, ‘Gwell yw furneth ages galloes, mes furneth an boghosek yw dispresys, ha nyns yw klewys y gusul.’

1 Yowann 2:11

Mes neb a gas y vroder yma ev yn tewlder, hag a gerdh yn tewlder, ha ny wonn ev ple'th a, rag tewlder dhe dhalla y dhewlagas.