Ekklesiastes 2:13 - An Bibel Kernewek 20234 (Kernewek Kemmyn)

¹³ Ena my a welas bos gwayn dhe furneth moy ages henna dhe follneth, kepar dell yw gwayn an golow moy es henna dhe'n tewlder:

Ekklesiastes 2:13 ပူးပေါင်းရင်းမြစ်များ

Salmow 119:105

Lugarn dhe'm treys yw dha er, ha golow dhe'm hyns.

Salmow 119:130

Diskwedhyans dha eryow a re golow; ev a re skians dhe'n re sempel.

Lavarow Koth 14:8

Furneth den doeth yw dissernya y fordh, mes follneth fellyon yw toell.

Lavarow Koth 16:16

Ass yw gwell kavoes furneth ages owr, ha gwell yw dewis konvedhes ages arghans!

Ekklesiastes 10:10

Mars yw toul a horn sogh ha ny wra an oberer lymma y amal, res yw dhodho gul devnydh a voy nerth; mes furneth a dhre sewena

Ekklesiastes 11:7

Hweg yw an golow, ha da yw gans an dhewlagas gweles an howl.

Ekklesiastes 7:19

Furneth a re nerth dhe dhen fur, moy es deg rewler usi yn sita.

Ekklesiastes 9:16

Hag yn-medhav, ‘Gwell yw furneth ages galloes, mes furneth an boghosek yw dispresys, ha nyns yw klewys y gusul.’

Ekklesiastes 9:18

Gwell yw furneth ages arvow kas; mes unn peghador a yll distrui meur a dhader.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Matthew 6:23

mes dha lagas mars yw anyagh, oll dha gorf a vydh leun a dewlder. Rakhenna mars yw an golow usi ynnos tewolgow, ass yw meur an tewolgow na!

Efesianys 5:8

rag kyns yth ewgh hwi tewlder, mes lemmyn golow y'n Arloedh. Kepar ha fleghes golow gwrewgh hwi kerdhes