Ekklesiastes 12:13 - An Bibel Kernewek 20234 (Kernewek Kemmyn)

¹³ Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ekklesiastes 12:13 ပူးပေါင်းရင်းမြစ်များ

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

1 Myghternedh 2:3

ha gwith charj an Arloedh dha Dhuw, dhe gerdhes yn y fordhow, dhe witha y ordenansow, y worhemmynnow, y vreusow, ha'y dhustuniow, dell yw skrifys yn lagha Moyses, may hylli seweni yn pup-tra a wredh, ha plepynag may treylydh;

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Salmow 111:10

Own an Arloedh yw an dalleth a furneth; yma skians da dhe oll an re a wra hemma; y wormola a dhur bys vykken.

Salmow 145:19

Ev a gollenow bodh an re a berth own anodho, hag ev a glew aga kri, hag ev a's selow.

Salmow 147:11

Mes an Arloedh a gemmer plesour y'n re a'n own, y'n re a fydh yn y dregeredh.

Lavarow Koth 1:7

Own an Arloedh yw an dalleth a wodhvos; fellyon a skorn furneth ha dyskans.

Lavarow Koth 19:23

Own an Arloedh a led dhe vewnans; neb a'n jeves ev a bowes attes, ny vydh ev ow perthi dregynn.

Lavarow Koth 23:17

Na as dha golonn dhe berthi avi a beghadoryon, mes bes yn own an Arloedh oll an jydh.

Ekklesiastes 2:3

My a hwilas y'm kolonn dhe blesya ow horf gans gwin – gidys y'm brys gans furneth – ha dhe settya dalghenn yn follneth bys pan welvydhav pandr'yw da rag mebyon den dh'y wul yn-dann nev dres an nebes dydhyow a'ga bewnans.

Ekklesiastes 3:14

My re wodhva pup-tra a wra Duw dhe dhurya bynitha. Ny yll bos travyth keworrys dhodho, na ny yll bos travyth kemmerys dhe-ves dhiworto. Yndella re wrug Duw, rag may hwrello tus perthi own anodho.

Ekklesiastes 5:7

Kepar ha dell eus euveredh yn lies hunros, yndella yma an keth henna yn lies ger. Ytho porth own a Dhuw.

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Ekklesiastes 7:18

Da yw ty dhe settya dalghenn y'n eyl gwarnyans, ha na wra gasa dha dhalghenn yn y gila; rag neb a berth own a Dhuw a dhienk dhiworth oll an taklow ma.

Ekklesiastes 8:12

Kyn hwrella peghador gul drogober kanskweyth, ha bewa hwath pell, yn spit dhe hemma my a woer y vos da gans an dus neb yw gostydh dhe Dhuw, rag i dhe sevel ow perthi own a-dheragdho.

Ekklesiastes 8:5

Piwpynag a wittho gorhemmynn, an keth henna ny wra perthi drog vyth, ha kolonn den fur a woer ha'n prys gwiw ha'n fara gwiw.

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Luk 1:50

hag yma y dregeredh a unn henedh dhe'n nessa dhe'n re a berth own anodho.

Dewteronomi 10:12

Ha lemmyn Ysrael, pandr'a wovynn an Arloedh orthis marnas perthi own a'n Arloedh dha Dhuw, kerdhes yn oll y fordhow, ha'y gara, ha servya an Arloedh dha Dhuw gans oll dha golonn ha gans oll dha enev,

Dewteronomi 10:20

Porth own a'n Arloedh dha Dhuw ha gwra y servya. Glen orto, ha to ren y hanow.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Dewteronomi 4:2

Na geworrewgh dhe'n ger esov ow korhemmynna dhywgh, ha na gemmerewgh dhe-ves anodho, dhe witha gorhemmynnow an Arloedh agas Duw esov ow korhemmynna dhywgh.

Dewteronomi 6:2

rag may perthi own a'n Arloedh dha Dhuw, dhe witha oll y ordenansow ha'y worhemmynnow esov ow korhemmynna dhis oll dydhyow dha vewnans, ty, ha'th vab, ha mab dha vab, rag may fo hir dha dhydhyow.

1 Peder 2:17

Gwrewgh enora pub den oll, kara an brederedh, Duw, enora an emperour.

Diskwedhyans 19:5

Ha lev a dheuth yn-mes a'n tron, ow leverel, ‘Gormelewgh agan Duw, oll y wesyon ha'n re a'n own, byghan ha bras.’

1 Samuel 12:24

Perthewgh own a'n Arloedh, ha'y servya yn gwiryonedh gans oll agas kolonn; prederewgh an traow meur re wrug ev ragowgh.