Ekklesiastes 11:8 - An Bibel Kernewek 20234 (Kernewek Kemmyn)

⁸ Ytho mar pew den lies blydhen, gwres ev lowenhe ynna oll, mes perthes ev kov a'n dydhyow a dewlder, rag lower vydhons i. Euveredh yw pup-tra a dheu.

Ekklesiastes 11:8 ပူးပေါင်းရင်းမြစ်များ

Job 10:21

kyns my dhe vos le ma na dhehwelav, dhe'n pow a dewolgow ha tewlder down,

Job 10:22

dhe bow a dewlder down, a dhuder ha deray, le mayth yw golow kepar ha duder.’

Job 14:10

Mes gour a verow ha difygya; dhe wir, den a anell y dhiwettha anall ha ple'ma ev?

Job 14:12

yndella y hwrowedh gour ha ny sev; bys pan nag eus nev na fella, ny dhifunons, na ny dhons yn-mes a'ga hosk.

Job 15:23

Ev a wander a-dro rag bara, ow leverel, “Ple'mava?” Ev a woer bos dydh an tewlder yn y ogas;

Job 18:18

Ev yw herdhys dhiworth an golow a-berth y'n tewlder, ha helghys yn-mes a'n bys.

Salmow 49:20

Mes den yn y vueredh ny gonvedh; haval yw dhe'n bestes a verow.

Ekklesiastes 11:2

Ro rann a'th pythow dhe seyth po dhe eth, rag ny wodhesta py par happ drog y fydh y'n nor.

Ekklesiastes 2:15

Ytho my a leveris y'm kolonn, ‘An pyth a hwyrvydh dhe'n foll, an keth henna a hwyrvydh dhymmo vy. Dhe bana borpos ytho y teuth vy ha bos mar fur?’ Hag y'm kolonn my a leveris, ‘Hemma ynwedh yw euveredh.’

Ekklesiastes 2:17

Ytho my a gasas bewnans, rag poenvos dhymm yw pup-tra yw gwrys omma yn-dann an howl, drefenn bos pup-tra euveredh ha chasya war-lergh an gwyns.

Ekklesiastes 2:19

Ha piw a woer mar pydh an den na po fur po foll? Byttegyns ev a wra maystri war frut ow lavur oll a wrug vy dhe oberi mar fur yn-dann an howl. Hemma ynwedh yw euveredh.

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Ekklesiastes 4:16

Dhe'n bobel oll nyns esa diwedh, na dhe'n dus oll esa yn-dann y rewl; mes ny lowenha ynno an re a dheu a-wosa. Ytho hemma ynwedh yw euveredh ha yeuni war-lergh an gwyns.

Ekklesiastes 4:8

yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.

Ekklesiastes 6:11

Yma lies tra hag a balsha euveredh. Pandr'yw an gwayn dhe dhen?

Ekklesiastes 6:6

Kyn hwrella ev bewa diwweyth mil vlydhen, nyns yw ev lowen yn y sewena. A nyns a pubonan dhe'n keth tyller?

Ekklesiastes 7:14

Yn dydh sewena bydh lowen! Hag yn dydh a dhrog, gwra prederi a-dro dhe hemma. Duw re wrug an eyl ha'y gila, ma na allo denvyth diskudha travyth a hwyrvydh y'n termyn a dheu.

Ekklesiastes 8:12

Kyn hwrella peghador gul drogober kanskweyth, ha bewa hwath pell, yn spit dhe hemma my a woer y vos da gans an dus neb yw gostydh dhe Dhuw, rag i dhe sevel ow perthi own a-dheragdho.

Ekklesiastes 8:15

Ha my a gommendyas plesour, rag nyns eus travyth gwell rag den ages dybri hag eva, ha lowenhe. Ytho plesour a wra mos ganso yn y lavur dres dydhyow a'y vewnans re ros Duw dhodho yn-dann an howl.

Ekklesiastes 9:7

Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.

Yeremia 13:16

Rewgh gordhyans dhe'n Arloedh agas Duw, kyns ev dhe dhri tewolgow, ha kyns agas treys dhe drebuchya aga desedha war an menydhyow tewl; ha pan esowgh ow hwilas golow, ev a'n treyl dhe skeus ankow, ha'y wul tewolgow down.

Yoel 2:2

dydh tewlder ha tewlyjyon, dydh kommol ha tewolgow tew. Dell les an bora war an menydhyow y teu pobel vras ha krev; nyns esa bythkweth aga far, na ny vydh namoy a'y wosa, bys vlydhynyow henedhow ha henedhow.

Matthew 22:13

Ena yn-medh an myghtern dhe'n servysi, “Kelmewgh y dhewdroes ha'y dhiwla ha tewlewgh ev y'n tewolgow pella. Ena y fydh oelva ha skrinva dyns”

Yowann 12:35

Ena Yesu a leveris dhedha, ‘Hwath pols byghan yma an golow genowgh. Kerdhewgh hedre vo genowgh an golow, ma na wrello tewlder agas dalghenna. Neb a gerdh y'n tewlder ny woer ple'th a.

Dewteronomi 32:29

Unnweyth a pens fur ha konvedhes hemma, ha dissernya aga fin!

Lyther Yud 1:18

pan lavarsons i dhywgh, ‘Y'n termyn diwettha y fydh gesyoryon ow kerdhes war-lergh aga hwansow ansans aga honan.’