Ekklesiastes 11:1 - An Bibel Kernewek 20234 (Kernewek Kemmyn)

¹ Dannvon dha vara war enep an dowrow, ha ty a wra y dhaskavoes wosa lies dydh.

Ekklesiastes 11:1 ပူးပေါင်းရင်းမြစ်များ

Ekklesiastes 11:6

Gwra hasa dha has y'n myttin, ha na as dha leuv dhe bowes bys y'n gorthugher, rag ny wodhesta pyneyl a wra seweni, po hemma po henna, po martesen aga dew war-barth a vydh da.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.

Matthew 10:42

Ha piwpynag a rollo unnweyth hanafas a dhowr yeyn dhe eva dhe onan a'n re vyghan ma, yn hanow dyskybel, yn hwir y lavarav dhywgh, kammenn ny gyll ev y wober.’

2 Korinthianys 9:6

Attendyewgh hemma: piwpynag a hasso boghes, ev a wra mysi boghes ynwedh; ha piwpynag a hasso yn pals, ev a wra mysi yn pals ynwedh.

Ysay 32:20

gwynn aga bys an re a wonis has ryb pub avon, ha gasa dhe dreys an ojyon ha'n asen wandra yn rydh.

Luk 14:14

ha gwynnvys ty a vydh, rag ny yllons ri attal dhis; rag attal a vydh res dhis yn dasserghyans an re wiryon.’

Ysay 32:8

An den nobyl a dewl towlow nobyl, hag y'n taklow nobyl ev a sev.

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Lavarow Koth 22:9

Neb yw hel a vydh benniges rag ev a re a'y vara dhe'n boghosek.

Lavarow Koth 11:18

Tebelwas a dhendil gober ansertan, mes neb a has ewnder a'n jeves pewas sur.

Matthew 10:13

ha mars yw gwiw an chi, gwres agas kres dos warnodho, mes mar nyns yw gwiw, dehweles agas kres dhywgh hwi.

2 Samuel 17:29

mel hag amanynn, ha deves, ha keus bughes, rag Davydh ha'n bobel ganso dhe dhybri. Rag i a leveris, ‘Yma dhe'n bobel nown ha skwithter ha syghes y'n gwylvos.’

Levitikus 19:25

Ha'n pympes blydhen hwi a dheber an frut anodho, may rollo dhywgh an drevas ynkressys anodho. An Arloedh agas Duw ov vy.

Ekklesiastes 3:6

Prys hwilas, ha prys kelli; prys gwitha ha prys tewlel dhe-ves.

Matthew 25:17

Yn kettella y hwrug gwas an dhew dalent prow a dhew moy.