Ekklesiastes 10:19 - An Bibel Kernewek 20234 (Kernewek Kemmyn)

¹⁹ Rag hwarth y hwrer fest, ha gwin a wra dhe vewnans bos lowen, mes arghans yw an gorthyp dhe bup-tra.

Ekklesiastes 10:19 ပူးပေါင်းရင်းမြစ်များ

Jenesis 43:34

Hag ev a gemmeras rannow a voes esa a-ragdho ha'ga ri dhedha i; mes rann Benyamin a veu pympgweyth moy es rannow oll an re erell. Ytho i a evas, ha bos medhow ganso.

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

1 Kroniklys 21:24

Mes myghtern Davydh a leveris dhe Ornan, ‘Na; mes my a'n prenn dhiworthis rag an pris leun. Ny gemmerav rag an Arloedh an pyth yw dhis, nag offra offrynnow leskys na gostyas travyth.’

Ezra 1:6

Hag oll aga hentrevogyon a's gweresas gans lestri a arghans, gans owr, gans gwara, ha gans chatel, ha gans rohow a bris, war-barth gans oll an offrynnow bolonjedhek.

Nehemia 5:8

Hag yn-medhav dhedha, ‘Oll dh'agan galloes, ni re dhasprenas agan breder, an Yedhewon, a veu gwerthys dhe'n kenedhlow; mes yth esowgh hwi ow kwertha agas breder, may fons gwerthys dhyn!’ Yth ens tawesek ha ny allsons kavoes ger dhe leverel.

Ester 1:10

An seythves dydh, ha kolonn an myghtern heudh gans gwin, erghi a wrug ev dhe Mehuman, Biztha, Harbona, Bigtha, hag Abagtha, Zethar, ha Karkas, an seyth spadhesik a venystra yn golok myghtern Ahasuerus,

Salmow 104:15

ha gwin a heudhha kolonn den, hag olew dhe wul dh'y fas dewynnya, ha bara a grevha kolonn den.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Ekklesiastes 2:3

My a hwilas y'm kolonn dhe blesya ow horf gans gwin – gidys y'm brys gans furneth – ha dhe settya dalghenn yn follneth bys pan welvydhav pandr'yw da rag mebyon den dh'y wul yn-dann nev dres an nebes dydhyow a'ga bewnans.

Ekklesiastes 9:7

Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.

Ysay 23:18

Hy gwayn ha'y gober a vydh sans dhe'n Arloedh; ny vydh kuntellys na gwithys, mes hy gwayn a vydh rag an re a drig a-rag an Arloedh, rag lanwes boes ha dillas splann.

Ysay 24:11

I a oul rag gwin y'n stretys; oll lowena a dewlha, heudhder yw pellhes dhiworth an tir.

Matthew 17:27

Mes, ma na wryllyn aga sklandra, ty gwra mos dhe'n mor ha tewl higenn ha kemmer an kynsa pysk a dheu yn-bann. Wosa ty dhe igeri y anow y kevydh stater. Kemmer henna ha ro dhedha ragov vy ha ragos jy.’

Matthew 19:21

Yn-medh Yesu dhodho, ‘Mar mynnydh bos perfydh, ke ha gwerth an taklow eus dhis, ha ri dhe'n voghosogyon ha ty a gyv tresor y'n nevow; ha deus dhe'm holya.’

Luk 12:19

ha my a lever dhe'm enev, Ty enev, yma dhis pythow lower gorrys yn gwith rag lies blydhen; gwra powes, dybri, eva, ha bos lowen.”

Luk 16:9

Ha my a lever dhywgh, gwrewgh kowetha dhywgh agas honan a'n mammon a anwiryonedh, rag may fowgh wolkommys, pan fyll ev, bys yn annedhow heb diwedh.

Luk 8:3

ha Yoanna gwreg Kusa, rennyas Herod, ha Susanna, ha lies arall, neb a venystra dhedha yn-mes a'ga fythow.

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Oberow 2:45

hag i a wertha aga fythow ha'ga gwara, hag i a's ranna dhe beub oll, dell esa edhomm dhe nebonan.

1 Peder 4:3

Rag lowr yw an termyn usi tremenys dhe wul war-lergh towl an Jentilys ow pesya yn leshyans, drokhwansow, medhwenep, kevewiow gwyls, eva re ha gordhyans idolys yw erbynn lagha.

Breusysi 14:10

Y das eth yn-nans dhe'n venyn, ha Samson a wrug kevewi ena dell wre an wer yowynk.

Breusysi 9:13

Ena an gwinbrenn a leveris dhedha, “A hedhav vy ow kul ow gwin a lowenha duwow ha tus, ha mos dhe waya a-ugh an gwydh?”

1 Samuel 25:36

Abigayl a dheuth dhe Nabal; hag, otta, yth esa ev ow synsi kevewi yn y ji, kepar ha kevewi myghtern. Ha kolonn Nabal o lowenek a-ji dhodho, rag ev o pur vedhow; rakhenna ny dherivas hi travyth orto, byghan na bras, bys yn golow myttin.