Ekklesiastes 10:16 - An Bibel Kernewek 20234 (Kernewek Kemmyn)

¹⁶ Go-jy, A dir, pan vo dha vyghtern flogh, ha'th pennternedh a dheber myttinweyth.

Ekklesiastes 10:16 ပူးပေါင်းရင်းမြစ်များ

1 Myghternedh 12:11

Kyn hworras ow thas warnowgh yew boes, my a geworr dh'agas yew. Ow thas a'gas kessydhyas gans hwyppys, mes my a'gas kessydh gans skorpyones.” ’

2 Kroniklys 13:7

ha bagas a goeg vilens a omguntellas a-dro dhodho hag a dhefias Rehoboam mab Solomon, pan o Rehoboam yowynk ha heb prevyans, ha ny veu krev lowr dhe sevel orta.

2 Kroniklys 36:11

Sedekia o unn vlydhen warn ugens pan dhallathas reynya, hag ev a reynyas unnek blydhen yn Yerusalem.

2 Kroniklys 36:2

Yehoahaz o tri bloedh warn ugens pan dhallathas reynya, hag ev a reynyas tri mis yn Yerusalem.

2 Kroniklys 36:5

Yehoyakim o pymp bloedh warn ugens pan dhallathas reynya, hag ev a reynyas unnek blydhen yn Yerusalem. Ev a wrug an pyth o drog yn golok an Arloedh y Dhuw.

2 Kroniklys 36:9

Yehoyakim o eth bloedh pan dhallathas reynya, hag ev a reynyas tri mis ha deg dydh yn Yerusalem. Ev a wrug an pyth o drog yn golok an Arloedh.

Lavarow Koth 28:16

Rewler heb konvedhes a gyv dre nerth, mes neb a gas gwayn anewn a'n jevydh bewnans hir.

Ekklesiastes 10:15

Lavur an fellyon a wra aga skwithhe, drefenn na wodhons hwath an fordh dhe'n sita.

Ysay 3:12

Ow fobel, hy rewloryon a's arwask, ha benynes a's rewl. Ow fobel, dha ledyoryon a wra dhedha gwandra, ha distrui fordh dha hynsyow.

Yeremia 21:12

A ji Davydh; yndellma y lever an Arloedh: Gwra gwirvreus pub myttin, ha livra a-dhiworth dorn an arwasker an den a veu robbys, ma na ello ow honnar yn-mes avel tan, ha leski, ha ny vydh denvyth dh'y difeudhi, rag drogedh agas gwriansow.