Ekklesiastes 10:14 - An Bibel Kernewek 20234 (Kernewek Kemmyn)

¹⁴ An foll yw leun a eryow; Ny woer denvyth an pyth a hwer, ha'n pyth a hwyrvydh a'y wosa, piw a yll y leverel dhodho?

Ekklesiastes 10:14 ပူးပေါင်းရင်းမြစ်များ

Job 34:37

Ev a geworr rebellyans dh'y begh; ev a dak diwleuv yn agan mysk, ha lieshe y eryow erbynn Duw.’

Job 35:16

Job a iger y anow gans kows gwag ha heb godhvos ev a liesha geryow.’

Lavarow Koth 10:19

Pan vo geryow pals, ny fyll kammweythres, mes neb a fronn y dhiwweus yw doeth.

Lavarow Koth 15:2

Taves tus fur a afin godhvos, mes ganow an re foll a dhiver follneth.

Ekklesiastes 10:15

Lavur an fellyon a wra aga skwithhe, drefenn na wodhons hwath an fordh dhe'n sita.

Ekklesiastes 3:22

Ytho my a welas nag eus travyth gwell rag den ages lowenhe yn y lavur, rag bos henna y rann; rag piw a yll diskwedhes dhodho an pyth a hwyrvydh wosa y dermyn ev?

Ekklesiastes 5:3

Kepar dell dheu hunrosow pan eus meur a fienasow, yndella y teu foll tavosek pan eus lies ger.

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Ekklesiastes 7:14

Yn dydh sewena bydh lowen! Hag yn dydh a dhrog, gwra prederi a-dro dhe hemma. Duw re wrug an eyl ha'y gila, ma na allo denvyth diskudha travyth a hwyrvydh y'n termyn a dheu.

Ekklesiastes 8:7

na woer ev a-dro dhe'n termyn a dheu, namoy ny yll denvyth leverel dhe dhen arall an pyth a hwyrvydh.

Ekklesiastes 9:1

Ytho my a brederis oll a-dro dhe hemma y'm kolonn, owth assaya y dhysmygi – bos an dus wiryon ha'n dus fur, keffrys ha'ga oberennow, yn leuv Duw. Naneyl kerensa na kas – ny's goer denvyth; yma pup-tra a-dheragdha.

Ezekiel 35:13

Hwi a vostyas er ow fynn gans agas ganow, ha kressya agas geryow er ow fynn; my a'n glewas.