Ekklesiastes 1:13 - An Bibel Kernewek 20234 (Kernewek Kemmyn)

¹³ ha my a settyas ow brys yn furneth dhe hwilas ha hwithra pup-tra re beu gwrys yn-dann nev. Beghus yw an ober re ros Duw dhe vebyon den, gans meur a daklow dhe wul.

Ekklesiastes 1:13 ပူးပေါင်းရင်းမြစ်များ

Jenesis 3:19

Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

Job 28:3

Den a re diwedh dhe'n tewlder, ha hwilas moen y'n pella bounds yn duder ha tewlder down.

Salmow 111:2

Meur yw oberow an Arloedh, hwilys gans oll an re a lowenha ynna.

Lavarow Koth 18:1

Den diberthys dhiworth kowetha a hwila ragskeusow, ow strivya erbynn pub kusul len.

Lavarow Koth 18:15

Brys poellek a gyv godhvos, ha skovarn tus fur a hwila godhvos.

Lavarow Koth 23:26

Ow mab, ro dhymmo vy dha golonn, ha gwithes dha dhewlagas ow fordhow.

Lavarow Koth 25:2

Glori Duw yw gwitha taklow kudhys, mes glori myghternedh yw aga diskudha.

Lavarow Koth 4:7

Dalleth furneth yw hemma; kav furneth, ha pypynag a gyffi, kav konvedhes;

Ekklesiastes 1:17

Ytho my a settyas ow brys dhe wodhvos furneth ha dhe gonvedhes muskokter ha follneth; ha my a wodhva hemma ynwedh dhe vos yeuni war-lergh an gwyns.

Ekklesiastes 11:5

Kepar dell na wodhes fordh an gwyns, na hwath fatell yw formys eskern yn torr benyn usi gans flogh, yndella ny wodhesta ober Duw neb a wra pup-tra.

Ekklesiastes 12:12

Bydh gwarnys, ow mab, erbynn moy es an re ma; nyns eus diwedh dhe wul lies lyver, ha meur a studhya yw skwithter dhe'n kig.

Ekklesiastes 2:23

Rag oll y dhydhyow yw poen, ha'y ober yw keudh; ha hwath yn nos ny yll y golonn powes. Hemma ynwedh yw euveredh.

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Ekklesiastes 3:10

My re welas an ober re ros Duw dhe vebyon den, gans meur a daklow dhe wul.

Ekklesiastes 3:11

Duw re wrug pup-tra dhe vos teg yn y brys gwiw, mes ynwedh ev re worras konvedhes yn kolonn mebyon den a dermyn ow tremena trank heb worfenn, ma na allons i diskudha an ober a wrug Duw a-dhiworth an dalleth bys yn diwedh aga bewnans.

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Ekklesiastes 4:8

yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.

Ekklesiastes 7:25

My a ombrederis y'm kolonn, may hwrellen hwilas ha hwithra ha konvedhes furneth ha resna, ha konvedhes droktra a follneth ha gokkineth a vuskokter.

Ekklesiastes 8:9

Oll hemma my re welas ha my ow settya ow brys dhe bup-tra yw gwrys yn-dann an howl. Treweythyow neb unn den a wra maystri war dhen arall dh'y dhrog y honan.

1 Timothi 4:15

Gwra oberi gans an taklow ma; bydh diwysyk y'n taklow ma may fo dha avonsyans diblans dhe bub den.