Efesianys 4:32 - An Bibel Kernewek 20234 (Kernewek Kemmyn)

³² Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Efesianys 4:32 ပူးပေါင်းရင်းမြစ်များ

2 Samuel 7:21

A-barth dha er, ha herwydh dha golonn dha honan, ty re wrug oll an traow bras ma, ha'ga gul godhvedhys dhe'th was.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Salmow 145:9

An Arloedh yw da orth pub den oll, hag yma y druedh dres oll y oberow.

Lavarow Koth 12:10

Den gwiryon a wra vri a vewnans y vest, mes mersi tebeles yw fell.

Lavarow Koth 19:11

Skians da a wra den lent dhe serri, hag yth yw glori dhodho skonya a aswonn kammwrians.

Lavarow Koth 19:22

An pyth a vynnir y gavoes yn den yw tregeredh, ha den boghosek yw gwell ages gour gowek.

Ysay 57:1

An den gwiryon a dhe goll, ha ny wra denvyth y settya war y golonn; gwer dregeredhus yw kemmerys dhe-ves, ha denvyth ny gonvedh. Rag an den gwiryon yw kemmerys dhe-ves dhiworth an terroes.

Yeremia 38:12

Hag Ebed-melek an Ethiopek a leveris dhe Yeremia, ‘Gorr lemmyn an kloutys ha'n dillasow usys yn-dann dha dhiwgasel, yn-dann an lovonow.’ Ha Yeremia a wrug yndella.

Matthew 6:12

ha gav dhyn agan kendonow kepar dell evyn ni ynwedh dh'agan kendonoryon.

Mark 11:25

‘Ha peskweyth may seffowgh dhe bysi, gevewgh hwi, mara'gas beus travyth erbynn nebonan, rag may haffo agas Tas eus yn nevow dhywgh hwi agas kammweythresow.

Luk 1:78

dre druedh medhel agan Duw, may teu dh'agan visitya an jydh-tardh a'n ughelder,

Luk 11:4

ha gav dhyn agan peghosow, rag ni ynwedh a av dhe beub yw kendoner dhyn ni; ha na wra agan dri yn temptasyon.’

Luk 17:4

Ha mar pegh ev seythgweyth yn unn jydh er dha bynn ha treylya dhis seythgweyth ow leverel “Edrek a'm beus”, res yw ty dhe ava dhodho.’

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Luk 6:37

‘Na vreusewgh, ha ny vydhowgh breusys; na dhampnyewgh, ha ny vydhowgh dampnys; gevewgh hag y fydh gevys dhywgh.

Oberow 28:2

Ha'n deythyogyon a dhiskwedhas dhyn kuvder dres eghenn; rag i a wrug tansys ha'gan wolkomma ni oll drefenn an glaw dhe dhalleth koedha ha yeyn o.

Romanyon 12:10

ow kara an eyl y gila, yn keskerensa, ow kesstrivya an eyl gans y gila ow tiskwedhes enor;

1 Korinthianys 13:4

Pell ow perthi yma kerensa; kuv yw kerensa, ny berth avi; kerensa ny vost, nyns yw goethus,

2 Korinthianys 2:10

Lemmyn, dhe neb a evowgh neppyth, my ynwedh a'n gwra; rag mar kwrugavy gava neppyth, my ynwedh re'n gavas ragowgh hwi yn golok Krist,

2 Korinthianys 2:7

ytho lemmyn, yn le henna y tegoedh dhywgh gava dhodho ha'y gonfortya, ma na ve den a'n par na fethys dre alar re vras;

2 Korinthianys 6:6

yn glander, yn godhvos, yn perthyans, yn kuvder, y'n Spyrys Sans, yn kerensa wiryon,

Efesianys 5:1

Ytho, gwrewgh Duw agas patron, kepar ha fleghes karadow,

Jamys 5:11

Otta, ni a's gelow gwynnvys, an re a dhuryas; duryans Job re wrussowgh klewes anodho, ha porpos an Arloedh a welsowgh, bos an Arloedh pur druedhek ha pitethus.

2 Peder 1:7

hag yn sansoleth kuvder dhe vreder, hag yn kuvder dhe vreder kerensa.

1 Yowann 1:9

Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth.

1 Yowann 2:12

My a skrif dhywgh hwi, fleghigyow, drefenn bos gevys dhywgh agas peghosow a-barth y hanow ev.

Ruth 2:20

Hag yn-medh Naomi dh'y gohydh, ‘Bennigys re bo ev gans an Arloedh na forsakyas y dregeredh troha'n re vew ha'n re varow.’ Ha Naomi a leveris dhedhi, ‘An gour ma yw neskar dhyn, onan a'gan dasprenysi ywa.’