Efesianys 4:13 - An Bibel Kernewek 20234 (Kernewek Kemmyn)

¹³ erna dhyffyn ni oll dhe unnsys an fydh hag aswonnvos Mab Duw, yn gour perfydh, dhe'n musur a'n adhvetter a'n leunder a Grist,

Efesianys 4:13 ပူးပေါင်းရင်းမြစ်များ

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Sefania 3:9

Rag ena my a dhaskorr gweusyow pur dhe'n poblow may halwons i oll war hanow an Arloedh rag y servya gans unn akord.

Zekaria 14:9

An Arloedh a vydh myghtern a-ugh oll an norvys. Y'n jydh na y fydh unn Arloedh, hag y hanow a vydh onan.

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Yowann 1:16

Rag a'y leunder ni oll re dhegemmeras, ha gras war ras;

Yowann 16:3

Ha hemma a wrons rag ny aswonnsons naneyl an Tas na my.

Yowann 17:21

rag may fons i oll onan, kepar ha ty, A Das, ynnov vy ha my ynnos jy, rag may fons i ynwedh onan ynnon ni, may krysso an bys ty dhe'm dannvon.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 6:69

Ha ni a grys, hag a woer ty dhe vos an Sans a Dhuw.’

Oberow 4:32

Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha.

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

1 Korinthianys 2:6

Hwath yn mysk an re adhves ni a gews skentoleth, kyn nag yw skentoleth a'n oes ma po a rewlysi a'n oes ma, neb a dremen dhe-ves.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Galatianys 4:19

Ow fleghesigow, mayth esov arta yn gloesow genesigeth ragowgh bys pan vo Krist formys ynnowgh,

Efesianys 1:17

may rollo an Duw a'gan Arloedh Yesu Krist, an Tas a wolewder, spyrys furneth ha diskwedhyans y'n aswonnvos anodho,

Efesianys 1:23

yw y gorf, an leunder anodho ev neb a lenow oll yn oll.

Efesianys 2:15

ow tiswul an lagha a arghadow ha rewlys, may hwrella a'n dhew unn den nowydh ynno ev, ow kul kres,

Efesianys 4:12

rag darbari an syns dhe hwel menystrans, dhe dhrehevyans korf Krist,

Efesianys 4:3

hwansek dhe witha unnsys an Spyrys y'n golmenn a gres.

Efesianys 4:5

unn Arloedh, unn fydh, unn besydhyans,

Filippianys 3:10

rag y aswonnvos ev ha galloes y dhasserghyans, ha kevrenn yn y alarow, kesformys yn y vernans,

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.

Kolossianys 2:2

may fons kennerthys yn aga holonn, ow pos junys war-barth yn kerensa hag y'n rychys oll a'n surheans leun a gonvedhes, rag aswonnvos a'n mysteri a Dhuw, a Grist;

Ebrowyon 5:14

Mes boes kales yw rag an devesigyon, rag an re a's teves kowses dyskys der usadow dhe dhissernya yntra da ha dhrog.

2 Peder 1:4

Dredha ev re ros dhyn ambosow drudh ha pur vras, may hyllowgh dredha kevrenna yn natur Duw, wosa diank dhiworth an plosedhes usi y'n bys dre dhrog hwansow.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.