Efesianys 1:5 - An Bibel Kernewek 20234 (Kernewek Kemmyn)

⁵ orth agan ragdhestna dhe vos degemmerys avel mebyon dhodho ev, dre Yesu Krist, orth bodh y vrys,

Efesianys 1:5 ပူးပေါင်းရင်းမြစ်များ

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Yeremia 3:4

A ny wruss'ta kria warnav nammnygen, ‘Ow Thas, ty yw koweth ow yowynkneth –

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Matthew 1:25

ha ny's aswonnis bys pan dhineythis hi mab; hag ev a'n henwis Yesu.

Matthew 11:26

ya, A Das, rag yndella re beu dha vodh.

Luk 10:21

Y'n eur na, ev a veu pur heudhik y'n Spyrys Sans ha leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek, ha'ga diskudha dhe fleghesigow; ya, A Das, rag yndella re beu dha vodh.

Luk 11:32

Gwer Nineve a sev y'n vreus gans an henedh ma ha'y dhampnya; rag i a goedhas yn edrek drefenn pregoth Yona, hag ottomma neppyth moy es Yona.

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Yowann 1:12

Mes kemmys a'n degemmeras, dhedha y ros ev galloes dhe vos fleghes Duw, dhe'n re a grys yn y hanow ev,

Yowann 11:52

ha ny via unnsel rag an genedhel, mes rag kuntell war-barth yn onan fleghes Duw neb a veu skattrys.

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Oberow 13:48

Ha pan glewas an Jentilys hemma, i a lowenhas hag enora ger an Arloedh, ha myns o ragordenys dhe vewnans heb diwedh a grysis,

Romanyon 8:23

mes moy es henna, ni agan honan ynwedh, a'gan beus kynsa frut an Spyrys, ni agan honan a gyn ynnon agan honan dell wortyn gans mall adoptyans avel mebyon, daspren agan korf.

1 Korinthianys 1:1

Powl, gelwys dre volonjedh Duw dhe vos abostol a Grist Yesu, ha'gan broder Sosthenes,

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

2 Korinthianys 6:18

ha tas vydhav dhywgh ha mebyon ha myrghes vydhowgh hwi dhymm, yn-medh an Arloedh Ollgalloesek.’

Galatianys 3:26

Rag yth owgh hwi oll mebyon Duw dre fydh yn Krist Yesu,

Efesianys 1:11

ni ynwedh a veu dewisys, ragdhestnys war-lergh y borpos ev neb a gowlwra pup-tra orth bodh y vrys,

Efesianys 1:9

ow ri dhyn godhvos kevrin y volonjedh, war-lergh y vodh a dhispletyas ynno

Filippianys 2:13

Rag Duw yw neb a ober ynnowgh, ha dhe vynnes ha dhe oberi orth bodh y vrys.

Kolossianys 1:19

Rag ynno pub leunder a Dhuw a veu plesys dhe driga,

2 Thessalonianys 1:11

Rakhenna ynwedh ni a bys ragowgh pup-prys, may hwrello agan Duw agas gul gwiw dhe'n galow, hag yn nerth kollenwel pub hwans a dhader hag ober fydh,

Ebrowyon 2:4

ha Duw a dhustunias ynwedh der toknys ha dre varthusyon ha dre wriansow nerthek a bub eghenn ha dre rohow an Spyrys Sans rynnys herwydh y vodh y honan.

1 Yowann 3:1

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.