Ebrowyon 7:27 - An Bibel Kernewek 20234 (Kernewek Kemmyn)

²⁷ Ny'n jevo edhomm, avel an arghoferysi na, a offrynna sakrifis pub-dydh, kynsa rag y beghosow ev hag ena rag peghosow an bobel; ev a wrug hemma unnweyth pan omoffrynnas y honan.

Ebrowyon 7:27 ပူးပေါင်းရင်းမြစ်များ

Ezekiel 43:19

ty a re tarow rag offrynn pegh dhe'n oferysi leviek a has Sadok, an re a dheu nes dhe venystra dhymm.

Levitikus 16:11

Hag Aron a dhre an lodhen rag an offrynn pegh yw ragdho ev, ha gul dehwelyans ragdho ev ha rag y ji ha ladha an lodhen rag an offrynn pegh yw ragdho ev

Levitikus 16:15

Ena ev a ladh bogh an offrynn pegh yw rag an bobel, ha dri y woes a-ji dhe'n vayl, ha gul an keth tra gans an goes na dell wrug gans goes an lodhen, ha'y skoellya war an dregeredhva, ha dherag an dregeredhva.

Levitikus 16:6

Hag Aron a offrynn lodhen an offrynn pegh ragdho ev y honan, ha gul dehwelyans ragdho ev ha rag y ji.

Romanyon 6:10

Dell verwis, y ferwis ev unnweyth dhe begh, mes dell vew, y few ev dhe Dhuw.

Efesianys 2:22

ynno ev hwi ynwedh yw drehevys war-barth dhe vos trigva Duw y'n Spyrys.

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 5:1

Rag pub arghoferyas dewisys yn mysk tus yw ordenys dhe weythres a-barth tus yn servis Duw, dhe brofya rohow ha sakrifisow rag peghosow.

Ebrowyon 5:3

Ha rakhemma, y tegoedh dhodho offrynna sakrifis rag peghosow ragdho ev y honan keffrys ha'n bobel.

Ebrowyon 8:4

Ytho, mar pe war an nor, ny via oferyas vyth, a-ban eus oferysi a offrynn rohow herwydh an lagha.

Ebrowyon 9:12

ev a entras, unnweyth rag oll, dhe'n tyller sans le na gemmeras goes gever na leughi, mes y woes y honan, yndellma ow kavoes daspren bys vykken.

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Ebrowyon 9:25

Ha nyns o dhe omoffrynna menowgh, par dell enter an arghoferyas a-ji dhe'n Tyller Sans pub blydhen gans goes dhiworth re erell;

Ebrowyon 9:26

rag ena y tegoedhvia dhodho godhevel menowgh a-dhia wrians an bys. Mes lemmyn ev re omdhiskwedhas unnweyth, dhe dhiwedh an oesow, ha dilea peghosow der omsakrifia.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

Ebrowyon 9:7

mes a-ji dhe'n nessa, nyns a marnas an arghoferyas, hag ev marnas unnweyth y'n vlydhen, ha nyns a heb kemmeres goes hag a offrynn ragdho y honan, ha rag peghosow an bobel gwrys dre wall.