Ebrowyon 12:15 - An Bibel Kernewek 20234 (Kernewek Kemmyn)

¹⁵ Gwaytyewgh ma na fallo nagonan a gavoes gras Duw; ma na eginno gwreydhenn hwerowder ha gul kedrynn, dredhi may teffo lies ha bos defolys;

Ebrowyon 12:15 ပူးပေါင်းရင်းမြစ်များ

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

Eksodus 32:21

Ha Moyses a leveris dhe Aron, ‘Pandr'a wrug an bobel ma dhis may hwrussys dri pegh meur warnedha?’

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Ysay 5:4

Pandr'a allsen gul moy rag ow gwinlann na wrug vy rygdhi? Pan waytis hi dhe wul grappys, prag y hwrug grappys trenk?

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Yeremia 2:21

My a'th plansas avel gwinbrenn bryntin, yn tien a hasenn bur: fatell osta ytho treylys dhymm yn plans legrys, gwinbrenn estren?

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

1 Korinthianys 10:12

Rakhenna, neb eus ow tybi y sev ev, kemmeres with ma na goettho.

1 Korinthianys 13:8

Kerensa ny fyll nevra; mes mars eus profoesansow, i a wra gorfenna; po tavosow, i a wra difygya; po godhvos, ev a wra gorfenna.

1 Korinthianys 15:33

Na vedhewgh toellys: ‘Drok-keskowethyans a shynd norter da.’

1 Korinthianys 5:6

Agas bostyans nyns yw da. A ny wodhowgh hwi y hwra tamm goell dhe oll a'n toes sevel?

2 Korinthianys 13:5

Omhwithrewgh mars esowgh hwi y'n fydh, prevewgh agas honan; a ny wodhowgh hwi bos Yesu Krist ynnowgh – marnas hwi a fyll an prov?

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Galatianys 2:13

Ha'n Yedhewon erell a junyas ganso y'n falsuri ma, may feu Barnabas ynwedh ledys yn stray gansa der aga falsuri.

Galatianys 5:4

Hwi yw diberthys dhiworth Krist, hwi neb yw justifiys der an lagha, koedhys dhiworth gras.

Efesianys 5:3

Mes fornikasyon ha pub plosedhes po krefni, na vedhens henwys yn agas mysk, kepar dell dhelledh dhe syns.

Dewteronomi 29:18

Bedhewgh war ma na fo ynnowgh hwi gour na benyn na kordh na loeth may treyl y golonn hedhyw dhiworth an Arloedh agan Duw dhe gerdhes ha servya duwow an kenedhlow ma; ma na vo ynnowgh hwi gwreydhenn ow toen kegis ha fuelenn.

Dewteronomi 32:32

Aga gwinbrenn yw dhiworth gwinbrenn Sodom, ha dhiworth gwinlannow Gomorra. Aga grappys yw grappys gwenon, yma dhedha bagasow a rappys hwerow.

Dewteronomi 4:9

Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon:

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

Titus 1:15

Pup-tra yw glan dhe'n re yw glan, mes dhe'n re yw legrys ha diskryjyk, nyns yw travyth glan, mes legrys yw ha'ga brys ha'ga howses.

Ebrowyon 3:12

Kemmerewgh with, breder, ma na vo yn denvyth ahanowgh tebelgolonn ankryjyk, ow treylya dhiworth an Duw bew.

Ebrowyon 4:1

Ytho, ha'n ambos hwath gesys dhe entra dh'y bowesva, perthyn own na vo nagonan ahanowgh breusys a fyllel dh'y attaynya.

Ebrowyon 4:11

Bedhes mall genen ytho a entra y'n bowesva na, ma na goettho nagonan dre dhiwostytter a'n keth par.

Ebrowyon 6:11

Mes hwans a'gan beus hwi dhe dhiskwedhes, pub huni, an keth mall dhe dhrehedhes dhe leun surneth a wovenek bys y'n diwedh

Yoshua 6:18

Mes hwi, omwithewgh dhiworth an taklow sakrys dhe dhistruyans, ma na wrewgh aga hwansa ha kemmeres neppyth sakrys, ha gul kamp Ysrael y honan sakrys, ha dri terroesa warnodho.

2 Peder 1:10

Rakhenna, a vreder, bedhewgh dhe voy diwysyk dhe fastya agas galow ha'gas dewis; rag mar kwrewgh an taklow ma, ny wrewgh trebuchya bynitha.

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

2 Peder 3:11

Ha'n taklow ma oll diswrys yndella, py par tus y koedh dhywgh hwi bos yn bewedh sans ha duwek,

2 Peder 3:14

Ytho, karadowyon, a-ban esowgh ow kortos an taklow ma, bedhewgh diwysyk, dhe vos kevys ganso dinamm ha divlam, yn kres.

2 Yowann 1:8

Mirewgh orthowgh agas honan, na gellowgh an traow re wrussyn mes degemmeres leun bewas.