Ebrowyon 10:24 - An Bibel Kernewek 20234 (Kernewek Kemmyn)

²⁴ hag ombrederyn fatell ynniyn an eyl y gila dhe gerensa hag oberow mas,

Ebrowyon 10:24 ပူးပေါင်းရင်းမြစ်များ

Salmow 41:1

Gwynnvys neb a wra vri a'n den gwann; an Arloedh a'n delirv yn dydh anken.

Lavarow Koth 29:7

An den gwiryon a aswonn gwiryow an voghosogyon; ny dheur mann dhe'n tebelwas an aswonnvos ma.

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Romanyon 11:4

Mes pandr'a lever dhodho an gorthyp duwel? ‘My re withas dhymmo vy ow honan seyth mil wour na blegsons aga glin a-rag Baal.’

Romanyon 12:15

Lowenhewgh gans an re a lowenha, oelewgh gans an re a oel;

1 Korinthianys 10:33

par dell blegyav evy dhe dus oll yn pup-tra a wrav, heb hwilas ow les ow honan, mes an les a lies, may fons selwys.

1 Korinthianys 9:22

Dhe'n re wann my eth ha bos gwann, may hwaynnyen an re wann. My res eth ha bos pup-tra dhe dus oll may salwen awos eghenn rann anedha.

2 Korinthianys 8:8

Ny lavarav hemma avel arghadow, mes yth esov vy ow previ gwiryonsys agas kerensa dre dhiwysygneth re erell.

2 Korinthianys 9:2

rag my a woer agas frethter may fostyav dhe dus Makedonia a-dro dhywgh, ow leverel dhedha bos Aghaia parys nans yw blydhen; ha'gas diwysygneth re gentrynnas an rann vrassa anedha.

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

1 Thessalonianys 5:11

Rakhenna, kennerthewgh an eyl y gila, ha drehevel an eyl y gila, dell wrewgh yn hwir.

2 Thessalonianys 3:9

Nyns on ni heb galloes, mes may ryllyn ni ensampel dhywgh may hallowgh gul war agan lergh.

1 Timothi 6:18

Lavar dhedha may hwrons dader, may fons rych yn gwriansow da, may fons hel, parys dhe ranna,

Titus 2:4

may tyskons an benynes yowynk dhe gara aga gour ha'ga fleghes,

Titus 3:8

Lel yw an ger. My a vynn ty dhe ynnia an taklow ma, may prederro an re re wrug krysi yn Duw a-dro dhe omri dhe oberow da. An taklow ma yw da ha dhe les dhe vab-den.

Ebrowyon 13:1

Pesyes kerensa dhe breder.

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.

Ebrowyon 3:13

Mes ynniewgh an eyl y gila pub dydh, hedre vo gelwys ‘Hedhyw’, ma na vowgh kaleshes dre doell peghosow.

1 Yowann 3:18

A fleghigyow, na geryn yn ger nag yn taves, mes yn ober hag yn gwirder.