Diskwedhyans 5:11 - An Bibel Kernewek 20234 (Kernewek Kemmyn)
11 Ha my a viras, ha klewes lev lies el a-dro dhe'n tron, ha'n kreaturs bew ha'n henavogyon; ha'n niver anedha o deg milweyth deg mil, ha milyow a vilyow,
Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.
Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.
Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.
Ha my a glewas kepar ha pan ve lev routh veur, ha son lies dowr, ha lev taran veur ow leverel, ‘Alleluya; rag an Arloedh agan Duw, an Ollgalloesek, a reyn.
Hag a-dro dhe'n tron yth esa peswar tron warn ugens; ha war an tronys y hwelis peswar henavek warn ugens owth esedha, gwiskys yn dillas gwynn, ha war aga fenn kurun owrek.
hag a-dherag an tron yma mor gwedrek, haval dhe wrys. Hag yn mysk an tron, hag a-dro dhe'n tron peswar kreatur bew leun a lagasow a-rag hag a-dhelergh.
Ha my a welas yn mysk an tron ha'n peswar kreatur bew, hag yn mysk an henavogyon, y sevi Oen kepar ha pan ve ledhys, gans seyth korn ha seyth lagas, yw seyth Spyrys Duw dannvenys yn-rag yn oll an norvys.
Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.
Hag oll an eledh a sevis a-dro dhe'n tron, hag a-dro dhe'n henavogyon ha'n peswar kreatur bew, hag i a goedhas a-dherag an tron war aga fasow ha gordhya Duw,