Diskwedhyans 22:3 - An Bibel Kernewek 20234 (Kernewek Kemmyn)

³ Ha ny vydh kevys travyth milliges namoy, mes tron Duw ha'n Oen a vydh ynni; ha'y wesyon a wra y wordhya:

Diskwedhyans 22:3 ပူးပေါင်းရင်းမြစ်များ

Salmow 16:11

Ty a dhiskwa dhymm an fordh a vewnans; y'th wolok jy yma lanwes lowena, y'th leuv dhyghow yma joy nevra a bes.

Salmow 17:15

Mes my a hwither war dha fas yn ewnder; lowr vydh ragov, pan dhifunav, gweles dha furv.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ezekiel 37:27

Ow thrigva a vydh gansa; my a vydh aga Duw, hag i a vydh ow fobel.

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Zekaria 14:11

Tus a wra triga ynni; ny vydh nevra arta sakrys dhe dhistruyans, mes Yerusalem a wra triga yn sawder.

Matthew 25:21

Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Yowann 12:26

Piwpynag a'm serfyo, gwres ev ow siwya; hag y'n tyller mayth esov, ena ynwedh y fydh ow servont. Piwpynag a'm serfyo, an Tas a wra y enora.

Yowann 13:32

Mars yw Duw glorifiys ynno, Duw ynwedh a'n glorifi ynno y honan, hag a'n glorifi a-dhistowgh.

Yowann 14:3

Ha mar kwrav vy mos ha pareusi tyller ragowgh, my a dhehwel arta ha'gas kemmeres dhymm ow honan, may fowgh hwi ynwedh y'n tyller mayth esov vy.

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Dewteronomi 27:26

‘Mollothek yw ev neb na venten geryow an lagha ma orth aga gul.’ Ena oll an bobel a lever, ‘Amen.’

Diskwedhyans 7:10

hag i a armas, ughel aga lev, ow leverel, ‘Selwyans dh'agan Duw yw esedhys war an tron, ha dhe'n Oen.’

Diskwedhyans 7:9

Wosa hemma, my a welas, hag otta, routh veur, na ylli denvyth hy nivera, a bub kenedhel ha loeth ha pobel ha taves; i a sevi a-dherag an tron hag a-dherag an Oen, gwiskys yn powsyow gwynn, ha palmys yn aga diwla;