Diskwedhyans 22:2 - An Bibel Kernewek 20234 (Kernewek Kemmyn)

² Yn kres hy stret, hag orth pub tu a'n avon, yma gwydhenn bewnans, ow toen dewdhek trevas a frut, ow ri hy frut pub mis, hag yma del an wydhenn rag yaghheans an kenedhlow.

Diskwedhyans 22:2 ပူးပေါင်းရင်းမြစ်များ

Jenesis 2:9

Ha'n Arloedh Duw a wrug dhe devi mes a'n dor pub gwydhenn a vo teg dhe weles ha da rag boes, an wydhenn a vewnans ynwedh yn kres an lowarth, ha'n wydhenn a wodhvos da ha drog.

Salmow 147:3

Ev a yaghha an re trogh aga holonn, ha kelmi aga goliow.

Lavarow Koth 3:18

Gwydhenn a vewnans yw hi dhe'n re a's syns, ha gwynn y vys neb a's dalghenn fast.

Ysay 6:10

Gwra kolonn an bobel ma tew, ha gwra aga diwskovarn poes, ha sel aga dewlagas, ma na glewons der aga dewlagas ha gweles der aga diwskovarn ha konvedhes der aga holonn, hag i a dreyl ha bos sawys.’

Yeremia 17:14

Yaghha vy, A Arloedh, ha my a vydh yaghhes; salw vy ha my a vydh selwys: rag ty yw ow gormel.

Ezekiel 47:1

Ena ev a'm dros arta dhe entrans an tempel; hag otta, yth esa dowr ow resek a-dhann dreudhow an tempel troha'n est (rag yth esa an tempel ow mires troha'n est); hag yth esa an dowr ow resek a-dhann denewen soth an tempel, a'n soth dhe'n alter.

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Zekaria 14:8

Y'n jydh na dowr bew a wra mos yn-mes dhiworth Yerusalem, hanter anodho dhe vor an howldrevel ha hanter anodho dhe vor an howlsedhes: y hwyrvydh yn hav hag yn gwav.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Diskwedhyans 21:21

Ha'n dewdhek yet o dewdhek perl, pub yet o gwrys dhiworth unn perl, ha plen an sita o owr glan, kepar ha pan ve gweder boll.

Diskwedhyans 21:24

Ha'n kenedhlow a wra kerdhes yn hy golow, ha myghternedh an norvys a wra dri aga gordhyans ha'ga enor a-bervedh ynni hi.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.

Diskwedhyans 22:19

ha den mar kemmer dhe-ves travyth dhiworth lavarow rol an profoesans ma, Duw a gemmer y rann dhiworth an wydhenn a vewnans hag yn-mes a'n sita sans yw deskrifys y'n rol ma.