Diskwedhyans 21:4 - An Bibel Kernewek 20234 (Kernewek Kemmyn)

⁴ Hag ev a sygh pub dagrenn dhiworth aga dewlagas, ha ny vydh ankow namoy, na ny vydh keudh, nag oela, nag anken namoy, rag bos an kynsa taklow tremenys.’

Diskwedhyans 21:4 ပူးပေါင်းရင်းမြစ်များ

Salmow 144:4

Kepar hag anall yw den; y dhydhyow a dremen avel skeus.

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Ysay 30:19

Ytho an bobel yn Sion, trigys yn Yerusalem, ny oel namoy. Ev a gemmer truedh ahanas orth son dha gri; kettell y'n klew, ev a'th worthyp.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ysay 60:20

Ny sedh dha howl byth moy, na ny leha dha loer; ha diwedha a wra dydhyow dha gynvann; an Arloedh a vydh dhis golow bys vykken, ha dydhyow dha gynvann a dheu dhe dhiwedh.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 31:13

Ena an wyrghes a lowenha y'n dons, ha'n wer yowynk ha'n henavogyon a vydh lowen, my a's hebaskha, ha ri dhedha lowena yn le aga hynvann.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

1 Korinthianys 15:26

An eskar diwettha dhe vos distruys yw ankow;

1 Korinthianys 7:31

ha'n re neb a wra devnydh a'n bys kepar ha pan na wrens i leun dhevnydh anodho. Rag yma furv an bys ma ow tremena dhe-ves.

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Ebrowyon 12:27

An lavar ma, ‘Unnweyth moy’, a dhiskwa treuskorrans an pythow yw kryghyllys, henn yw an pythow re beu gwrys, may pessyo an pythow na yll bos kryghyllys.

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

1 Yowann 2:17

Ha'n bys a dremen, ha'y lust: mes neb a wra bodh Duw a vew bys vykken.

Diskwedhyans 20:13

Ha'n mor a dhaskorras an re varow esa ynno hag ankow hag ifarn a dhaskorras an re varow esa ynna, hag y fons i breusys, pubonan war-lergh y wriansow.

Diskwedhyans 20:14

Hag ankow hag ifarn a veu tewlys y'n lynn a dan. Hemm yw an nessa mernans, an lynn a dan.

Diskwedhyans 21:1

Ha my a welas nev nowydh ha nor nowydh: rag an kynsa nev ha'n kynsa nor re dremensa dhe-ves, ha nyns esa mor namoy.

Diskwedhyans 22:3

Ha ny vydh kevys travyth milliges namoy, mes tron Duw ha'n Oen a vydh ynni; ha'y wesyon a wra y wordhya:

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’