Diskwedhyans 20:4 - An Bibel Kernewek 20234 (Kernewek Kemmyn)

⁴ Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.

Diskwedhyans 20:4 ပူးပေါင်းရင်းမြစ်များ

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 7:18

mes syns an Ughella a dhegemmer an wlaskor, hag i a bew an wlaskor bys vykken ha bynnari.’

Daniel 7:22

bys pan dheuth an Koth a'n dydhyow, may feu breus res dhe syns an Ughella, ha'n prys devedhys may hwrug an syns degemmeres an wlaskor.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Daniel 7:9

Ha my ow mires, yth esa tronys settys yn-bann, ha'n Koth a'n dydhyow a esedhas; kann avel an ergh o y wisk, ha'y wols avel gwlan glan; flammow tan o y dron ha dhodho rosow a dan ow tewi.

Malaki 4:5

Awotta my a dhannvon dhywgh Elias an profoes kyns dos dydh an Arloedh, meur hag euthyk.

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 24:10

Hag ena lies huni a wra koedha dhe-ves ha trayta ha kasa an eyl y gila.

Mark 6:16

Mes Herod pan glewas a leveris, ‘Yowann yw, neb a wrugavy y dhibenna; dasserghys yw a'n re varow.’

Mark 6:27

Ha desempis an myghtern a dhannvonas dibenner, hag a worhemmynnis may fe dres y benn: ha henna eth ha'y dhibenna y'n prison,

Mark 9:11

Hag i a wovynnas orto ow leverel, ‘Prag y lever an skribys bos res dhe Elias dos kynsa?’

Luk 1:17

Ha mos a wra ev a-dheragdho y'n spyrys ha'n nerth a Elias dhe dreylya kolonnow tasow dhe fleghes, ha tus dhiwostydh dhe furneth tus ewnhynsek, dhe dharbari dhe'n Arloedh pobel bareusys.’

Luk 14:14

ha gwynnvys ty a vydh, rag ny yllons ri attal dhis; rag attal a vydh res dhis yn dasserghyans an re wiryon.’

Luk 22:30

may typprowgh hag eva orth ow moes y'm gwlaskor, hag esedha war dronyow, ow preusi dewdhek loeth Ysrael.’

Yowann 14:19

Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Romanyon 11:15

Rag mars yw aga thewlel dhe-ves unnverheans an bys, pyth yw aga degemmeres marnas bewnans a vernans?

Romanyon 8:17

ha mars on ni fleghes, ytho heryon, heryon a Dhuw ha kes-heryon a Grist, mar kodhevyn ganso rag may fyn ni ynwedh kevrennek a'y wolewder.

2 Timothi 2:12

Mar kwren ni durya, kesreynya ynwedh ganso a wren; mar skonyn, ev ynwedh a wra agan skonya ni.

Diskwedhyans 1:2

a dheg dustuni a ger Duw hag a dhustuni Yesu Krist – pup-tra a welas.

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 11:11

Ha wosa tri dydh ha hanter, spyrys bewnans a Dhuw eth a-bervedh ynna hag i a sevis war aga threys hag own bras a goedhas war an re a's gwelas.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’

Diskwedhyans 11:7

Ha pan worfennons aga dustuni, an best a yskynn a'n pytt diwoeles a wra gwerrya er aga fynn ha'ga fetha ha'ga ladha.

Diskwedhyans 12:11

Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.

Diskwedhyans 14:11

Ha mog aga thorment a wra yskynna trank heb worfenn ha nyns eus powes dydh ha nos dhe neb a wordh an best ha'y imaj ha pypynag a dhegemmerro merk y hanow.’

Diskwedhyans 15:2

Ha my a welas kepar ha pan ve mor gwedrek kemmyskys gans tan: ha'n re a wrussa fetha an best ha'y imaj, ha niver y hanow, ow sevel war an mor gwedrek, ha gansa telynnow Duw.

Diskwedhyans 17:8

An best a welsys a veu, ha nyns yw; hag ev a vydh owth yskynna yn-mes a'n pytt diwoeles, ha mos a wra dhe dhiswrians. Hag y fydh marth dhe drigoryon an norvys, na veu skrifys aga hanow y'n lyver a vewnans dhiworth gwrians an bys, pan welons an best, rag yth o, ha nyns yw, hag y fydh.

Diskwedhyans 2:26

Ha dhe neb a fettho ha gwitha ow gwriansow bys y'n diwedh, my a re galloes war an kenedhlow,

Diskwedhyans 20:6

Gwynnvys ha sans yw neb a'n jeves rann y'n kynsa dasserghyans: an nessa mernans ny'n jeves galloes vydh warnedha, mes i a vydh oferysi Duw ha Krist, hag a wra reynya mil vlydhen ganso.

Diskwedhyans 22:5

Ha ny vydh nos namoy; ha nyns eus edhomm a wolow lugarn po golow howl; drefenn an Arloedh Duw dhe wolowi warnedha: hag i a wra reynya trank heb worfenn.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Diskwedhyans 4:4

Hag a-dro dhe'n tron yth esa peswar tron warn ugens; ha war an tronys y hwelis peswar henavek warn ugens owth esedha, gwiskys yn dillas gwynn, ha war aga fenn kurun owrek.

Diskwedhyans 6:9

Ha pan igoras an pympes sel, my a welas yn-dann an alter enevow an re o ledhys rag ger Duw ha rag an dustuni esa gansa i:

Diskwedhyans 7:3

ow leverel, ‘Na wrewgh pystiga an dor, na'n mor, na'n gwydh erna sellyn gwesyon agan Duw war aga thal.’