Diskwedhyans 19:19 - An Bibel Kernewek 20234 (Kernewek Kemmyn)

¹⁹ Ha my a welas an best ha myghternedh an norvys ha'ga luyow kuntellys war-barth dhe werrya erbynn neb o esedhys war an margh hag erbynn y lu.

Diskwedhyans 19:19 ပူးပေါင်းရင်းမြစ်များ

Daniel 8:25

Der y felder ev a wra dhe doell seweni der y dhorn; balgh vydh yn y golonn. Heb gwarnyans y hwra distrui meur a dus; erbynn Pryns an brynsys y sev; y fydh terrys, mes ny vydh dre leuv den.

Diskwedhyans 11:7

Ha pan worfennons aga dustuni, an best a yskynn a'n pytt diwoeles a wra gwerrya er aga fynn ha'ga fetha ha'ga ladha.

Diskwedhyans 14:9

Ha ken el, an tressa anedha, a'ga holyas, ow leverel, ughel y lev, ‘Den mar kordh an best ha'y imaj, ha degemmeres y verk war y dal po war y dhorn,

Diskwedhyans 16:14

Rag yth yns i spyrysyon dywolow ow kul toknys hag a yn-rag dhe vyghternedh oll an bys rag aga huntell war-barth dhe gas an jydh bras na a Dhuw Ollgalloesek.

Diskwedhyans 16:16

Hag ev a's kuntellas war-barth dhe dyller henwys yn Ebrow, Armageddon.

Diskwedhyans 18:9

Ha myghternedh an norvys neb re wrug fornikasyon ha triga gensi gans pythow dres musur, a vynn oela ha kyni rygdhi pan welons an mog a'y leski.

Diskwedhyans 19:21

Ha'n re erell a veu ledhys gans an kledha a dheuth dhiworth an ganow a neb esa owth esedha war an margh, an kledha a dheuth dhiworth y anow; hag oll an ydhyn a veu lenwys a'ga hig.