Diskwedhyans 17:4 - An Bibel Kernewek 20234 (Kernewek Kemmyn)

⁴ Ha'n venyn o gwiskys yn purpur ha pann kogh, ha kudhys gans owr ha men drudh ha perlys, gans hanaf owrek yn hy dorn, leun a'n taklow kasadow hag avlan a'y fornikasyon.

Diskwedhyans 17:4 ပူးပေါင်းရင်းမြစ်များ

1 Myghternedh 14:24

yth esa ynwedh horys-tempel worow y'n tir. I a wrug oll taklow kasadow an kenedhlow a dhiseritas an Arloedh a-rag pobel Ysrael.

2 Myghternedh 21:2

Ev a wrug an pyth o drog yn golok an Arloedh, ow siwya gweythresow kasadow an kenedhlow a fesyas an Arloedh yn-mes a-dherag pobel Ysrael.

Ezra 9:11

a erghsys dre dha servysi an brofoesi, ow leverel, “An tir, mayth esowgh owth entra ynno dh'y berghenna, yw tir defolys gans mostedhes tus an powyow. Der aga thaklow kasadow, i re'n lenwis hys-ha-hys a'ga avlander.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Yeremia 51:7

Babylon o hanaf owr yn leuv an Arloedh, ow kul medhow oll an nor; an kenedhlow a evas a'y gwin; rakhenna an kenedhlow eth yn fuskok.

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Ezekiel 20:30

Rakhenna lavar dhe ji Ysrael, Yndellma y lever an Arloedh Duw: A wrewgh omdhefola agas honan yn fordh agas tasow, ow kul avoutri gans aga thaklow kasadow?

Ezekiel 24:11

Ena sett an chek gwag war an regydh rag may fo poeth, ha'y gober leskys, may teuttho y avlander a-berth ynno, ha may fo y wossen konsumys.

Ezekiel 24:13

Y'th avlander yma fornikasyon. Drefenn my dhe assaya dha lanhe, mes ny vynnsys bos glanhes, ny vydhydh glanhes arta dhiworth dha avlander bys pan rov powes dhe'm sorr er dha bynn.

Ezekiel 28:13

Yth eses yn Eden, lowarth Duw; pub men drudh o dha gudhans, rubi, topaz, ha gwyrven, owrven, onyks, ha yasper, saffir, garnet, ha beryl. Ober a owr o dha settyansow ha'th gravyansow ynnos; y'n jydh may feus formys y fons parys.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Daniel 11:38

Yn le an re ma, ev a enor duw an keryow; duw na vedha aswonnys gans y dasow a wra ev enora gans owr hag arghans, gans meyn drudh ha rohow kostek.

Hosea 9:10

My a gavas Ysrael, avel grappys y'n gwylvos; my a welas dha dasow, ev a veu avel an frut a-varr a'n figbrenn, y gynsa frut. Mes i a dheuth dhe Baal-peor, hag omsakra dhe'n imaj methus, hag ethons ha bos mostedhes avel an taklow kasadow a garsons.

Dewteronomi 29:17

Hwi a welas aga thaklow kasadow ha'ga idolys, prenn ha men, arghans hag owr, esa gansa.

Diskwedhyans 14:8

Ha ken el, an nessa anedha, a holyas, ow leverel, ‘Koedha, koedha a wrug Babylon vras, hag a wrug dhe oll kenedhlow eva a'n gwin a sorr hy fornikasyon.’

Diskwedhyans 18:12

gwara a owr, hag arghans, ha men meur y bris, ha perlys, ha sendal, ha purpur, hag owrlin, ha pann kogh, ha prenn kitron a bub eghenn, ha pub lester a dhans olifans, ha pub lester a brenn meur y bris, ha brons, ha horn, ha marbel,

Diskwedhyans 18:16

ow leverel, ‘Tru, tru, an sita vras, gwiskys yn sendal, ha purpur ha pann kogh, ha kudhys gans owr ha men meur y bris, ha perlys!

Diskwedhyans 19:2

rag gwir hag ewn yw y vreusow; rag ev re vreusis an hora vras a legris an nor gans hy fornikasyon, hag ev re dhiallas goes y wesyon warnedhi.’

Diskwedhyans 21:21

Ha'n dewdhek yet o dewdhek perl, pub yet o gwrys dhiworth unn perl, ha plen an sita o owr glan, kepar ha pan ve gweder boll.

Diskwedhyans 9:21

Ha ny gemmersons edrek a'ga ladhvaow na a'ga fystri, na a'ga fornikasyon, na a'ga ladrans.