Diskwedhyans 17:17 - An Bibel Kernewek 20234 (Kernewek Kemmyn)

¹⁷ Rag Duw re worras yn aga holonn kollenwel bodh y vrys, ha bos unnverhes, ha ri aga gwlaskor dhe'n best erna vo kowlwrys geryow Duw.

Diskwedhyans 17:17 ပူးပေါင်းရင်းမြစ်များ

Ezra 7:27

Benniges re bo an Arloedh, Duw agan tasow, re worras mater a'n par ma yn kolonn an myghtern, rag ri enor dhe ji an Arloedh usi yn Yerusalem,

Salmow 105:25

Ev a dreylyas aga holonn may kassens y bobel, ha dyghtya y wesyon yn fals.

Lavarow Koth 19:21

Lies yw an towlow a-ji dhe golonn gour, mes porpos an Arloedh, henna a sev.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Yeremia 32:40

My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Daniel 12:7

Hag y klewis an gour gwiskys yn lien esa a-ugh dowrow an avon; ev a dhrehevis y dhorn dhyghow ha'y dhorn gledh war-tu ha'n nevow, hag ev a dos ti re Dhuw a vew bys vykken: ‘Wosa oes, dew oes ha hanter oes, pan vydh kowlwrys shyndyans nerth an bobel sans, oll an taklow ma a vydh kewerys.’

Luk 22:22

Rag devri Mab an den a yn-rag dell veu ordenys, mes go-ev an den na, dredho mayth yw traytys.’

Luk 22:3

Ena Satnas a entras yn Yudas, henwys Skaryoth, onan a niver an dewdhek;

Luk 22:37

Rag my a lever dhywgh, res yw an skryptor ma dhe vos kollenwys ynnov vy, “Ev a veu reknys yn mysk drogoberoryon”; hag yn hwir an pyth yw skrifys ahanav a dheu dhe geweras.’

Yowann 10:35

Mar kwrug ev aga henwel duwow may teuth ger Duw dhedha (ha ny yll an skryptor bos terrys),

Yowann 13:18

Ny gowsav ahanowgh hwi oll; my a woer piw a dhewisis; mes hemm yw rag may fo an skryptor kollenwys, “Ev neb a dhybris bara genev re dhrehevis y wewenn er ow fynn.”

Yowann 13:2

Pan esens ow tybri soper, wosa an jowl dhe worra yn kolonn Yudas mab Simon Skaryoth dh'y drayta,

Yowann 19:24

Yn-medhons ytho an eyl dh'y gila, ‘Na wren hy skwardya, mes gwren ni tewlel prenn rygdhi, piw y fydh dhodho’; may fe kollenwys an skryptor a lever, ‘I a rannas ow dillas yntredha, ha war ow gwisk i a dewlis prenn.’ Ytho an soudoryon a wrug an taklow ma.

Yowann 19:28

Wosa hemma, Yesu, ow kodhvos pup-tra lemmyn dhe vos kowlwrys, may fe kollenwys an skryptor, a leveris, ‘Yma syghes dhymm.’

2 Korinthianys 8:16

Lemmyn grasow re bo dhe Dhuw, neb re worras yn kolonn Titus an keth frethter a-barth dhywgh hwi,

Diskwedhyans 10:7

mes yn dydhyow lev an seythves el, pan ombareus dhe hwytha an hirgorn, kevrin Duw a vydh kowlwrys kepar dell dherivas ev dh'y wesyon an brofoesi.’

Diskwedhyans 15:1

Ha my a welas tokyn arall yn nev, bras ha marthys, seyth el gans an seyth pla diwettha, rag bos sorr Duw kowlwrys ynna i.

Diskwedhyans 17:13

An re ma a's teves unn brys hag i a re aga nerth ha'ga galloes dhe'n best.

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’

Diskwedhyans 6:11

Ha pows wynn a veu res dhe bubonan anedha, hag y feu leverys dhedha i dhe bowes a dermyn berr moy, bys may fe kowlwrys ynwedh niver aga heswesyon ha'ga breder a vedha ledhys kepar dell vons i ledhys kekeffrys.