Diskwedhyans 17:1 - An Bibel Kernewek 20234 (Kernewek Kemmyn)

¹ Hag onan a'n seyth el gans an seyth fiol a dheuth dhe gewsel orthiv, ow leverel, ‘Deus, my a vynn diskwedhes dhis breus an hora veur yw esedhys war lies dowr,

Diskwedhyans 17:1 ပူးပေါင်းရင်းမြစ်များ

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ysay 57:3

Mes dewgh nes omma, hwi vebyon koelyoges, has avoutrer ha hora!

Yeremia 2:20

Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 51:13

Ty neb usi trigys ryb dowrow meur, gans palster a dresoryow, dha dhiwedh yw devedhys, musur dha vewnans yw treghys.

Ezekiel 31:4

Dowrow a wrug dhedhi tevi bras; an downder a's gwrug ughel, gans y woverow ow resek a-dro dhe'n tyller may feu hi plynsys, ow tannvon y ganolyow yn-mes dhe oll gwydh an gwel.

Luk 24:32

Ena yn-medhons an eyl dh'y gila, ‘A nyns esa agan kolonn ow leski ynnon hag ev ow kewsel genen y'n fordh hag owth igeri an skryptors dhyn?’

Luk 9:30

Hag otta, dew wour a gewsi ganso; yth ens i Moyses hag Elias,

Diskwedhyans 1:1

Diskwedhyans Yesu Krist, a ros Duw dhodho rag diskwedhes dh'y wesyon an taklow a goedh hwarvos yn skon; ow tannvon derivadow der y el dh'y was Yowann,

Diskwedhyans 15:1

Ha my a welas tokyn arall yn nev, bras ha marthys, seyth el gans an seyth pla diwettha, rag bos sorr Duw kowlwrys ynna i.

Diskwedhyans 16:19

Ha'n sita vras a veu rynnys yn teyr rann, ha'n sitys a'n kenedhlow a goedhas: ha Babylon vras a veu kovhes a-dherag Duw, dhe ri dhedhi hanaf an gwin a gonnar y sorr.

Diskwedhyans 18:1

Wosa an taklow ma my a welas ken el ow tiyskynna dhiworth nev, meur y alloes, ha'n nor a veu golowys gans y splannder.

Diskwedhyans 19:2

rag gwir hag ewn yw y vreusow; rag ev re vreusis an hora vras a legris an nor gans hy fornikasyon, hag ev re dhiallas goes y wesyon warnedhi.’

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’

Diskwedhyans 21:15

Ha neb a gewsis genev a'n jevo korsenn owrek dhe vusura an sita, ha'y yetys, ha'y fos.

Diskwedhyans 21:9

Hag onan a'n seyth el neb a's tevo an seyth fiol lenwys a'n seyth pla diwettha a dheuth dhymm ha kewsel orthiv ow leverel, ‘Deus, ha my a vynn diskwedhes dhis an venyn bries, gwreg an Oen.’

Diskwedhyans 4:1

Wosa hemma my a viras, hag otta daras igerys y'n nev, ha'n kynsa lev a glewis kepar ha hirgorn ow kewsel genev, ow leverel, ‘Deus yn-bann omma, ha my a vynn diskwedhes dhis an taklow a res hwarvos wosa hemma.’