Diskwedhyans 16:4 - An Bibel Kernewek 20234 (Kernewek Kemmyn)

⁴ Ha'n tressa a skoellyas y fiol war an avonyow ha fentynyow an dowrow, ha goes ethons i ha bos.

Diskwedhyans 16:4 ပူးပေါင်းရင်းမြစ်များ

Salmow 78:44

Ev a dreylyas aga goverow dhe woes, ha'ga frosow, ma nag effens anedha.

Eksodus 8:5

Ha'n Arloedh a leveris dhe Moyses, ‘Lavar dhe Aron, “Ystynn dha dhorn ha'th welenn dres an avonyow, dres an dowrgleudhyow, ha dres an pollow, ha gul dhe gwilkynyow dos war bow Ejyp.” ’

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ezekiel 35:8

My a lenow y venydhyow a'y re ledhys; an re ledhys gans an kledha a goedh y'th vrennow ha'th nansow, hag yn oll dha woverow.

Hosea 13:15

Kyn hwra ev doen frut yn mysk y vreder, gwyns an Est a dheu, gwyns an Arloedh ow tos yn-bann dhiworth an difeyth. Y fenten a vydh desyghys, ha'y buth a hesk. Ev a byll pub lester drudh a'n dresorva.

Diskwedhyans 11:6

Gans an re ma, yma galloes dhe dhegea an ebron, ma na goettho glaw yn dydhyow aga frofoesans, hag yma gansa galloes war dhowrow dh'aga threylya dhe woes, ha gweskel an dor gans pub pla mar venowgh dell vynnons.

Diskwedhyans 14:7

ow leverel, ughel y lev, ‘Porth own a Dhuw, ha ro glori dhodho, rag bos eur y vreus devedhys, ha gwra gormel neb a wrug nev ha nor ha'n mor ha'n fentynyow a dhowrow.’

Diskwedhyans 16:5

Ha my a glewas el an dowrow ow leverel, ‘Gwiryon osta jy, ty sans, neb yw, ha neb o, rag ty dhe vreusi an taklow ma.