Diskwedhyans 14:20 - An Bibel Kernewek 20234 (Kernewek Kemmyn)

²⁰ Ha'n winwask a veu trettys a-ves dhe'n sita, ha goes a dheuth yn-mes a'n winwask, mar ughel avel fronnow an vergh, rag mil erowhys ha hwegh kans.

Diskwedhyans 14:20 ပူးပေါင်းရင်းမြစ်များ

Jenesis 49:11

Ow kelmi y asenik dhe'n gwinbrenn hag ebel y gasek-asen dhe'n gwinbrenn flour, ev a wolgh y dhillas y'n gwin, ha'y bows yn goes grappys.

Ysay 66:24

Hag i a wra mos yn-mes ha mires orth korfow an dus a rebellyas er ow fynn, rag ny verow aga fryv ha'ga than ny vydh difeudhys, hag y fydhons kasadow dhe bub kig oll.

Kynvannow 1:15

An Arloedh re dewlis diwdhorn dhe-ves oll ow thus krev y'm mysk; ev a guntellas lu er ow fynn rag brewi flour ow gwer yowynk; an Arloedh re drettyas kepar hag yn gwinwask war an wyrghes, myrgh Yuda.

Ezekiel 32:6

My a worlyp an dor gans dha woes ow resek bys y'n menydhyow, ha'n goverow a vydh leun ahanas.

Yoel 3:13

Kemmerewgh yn-bann an gromman, rag an drevas yw adhves. Dewgh, trettyewgh, rag leun yw an winwask. An kerynyow a fenn, rag bras yw aga droktra.

Dewteronomi 32:14

leth kowlys a vughes ha leth a dheves, gans blonek eyn, ha hordhes megys yn Bashan, ha gever, gans an gwella gwaneth, hag a woes grappys ty a evas gwin ewynek.

Diskwedhyans 11:8

Ha'ga horfow a wra growedha yn plen an sita vras yw gelwys yn spyrysel Sodom hag Ejyp, may feu aga Arloedh krowsys ynwedh.