Diskwedhyans 14:14 - An Bibel Kernewek 20234 (Kernewek Kemmyn)

¹⁴ Ha my a welas, hag otta, kommolenn wynn, ha war an gommolenn nebonan owth esedha kepar ha Mab den gans kurun owrek war y benn ha kromman lymm yn y dhorn.

Diskwedhyans 14:14 ပူးပေါင်းရင်းမြစ်များ

Salmow 21:3

Rag ty a a-dheragdho gans bennathow dader; ty a worr kurun a owr fin war y benn.

Salmow 97:2

Yma kommol ha tewlder a-dro dhodho; ewnder ha gwirvreus yw sel y se.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ezekiel 1:26

A-ugh an fyrmament esa a-ugh aga fennow yth esa hevelep men saffir, an hevelep a dron; ha war hevelep an tron yth esa an hevelep a dhen a-ughti.

Daniel 7:13

My a welas yn gwelesigethow an nos, ottena yn mysk kommol an nev yth esa onan avel Mab an den ow tos; ev a dheuth bys y'n Koth a'n dydhyow hag i a'n hembronkas yn y ogas.

Matthew 13:30

Gesewgh an dhew dhe devi war-barth bys y'n drevas hag yn prys an drevas my a lever dhe'n vysoryon, Kyns oll kuntellewgh war-barth an ivra ha'y gelmi yn manalow rag y leski, mes kuntellewgh an ys y'm skiber.” ’

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Mark 4:29

Mes pan vo parys an drevas, desempis ev a worr an gromman ynni, rag bos devedhys an ysasver.’

Luk 21:27

Hag ena i a wel Mab an den ow tos yn kommolenn gans nerth ha golewder meur.

Ebrowyon 2:9

Mes ni a wel Yesu, neb a veu gwrys nebes isella ages an eledh, lemmyn kurunys gans golewder hag enor dre wodhevel mernans, may tastya mernans rag pub huni, dre ras Duw.

Diskwedhyans 1:13

hag yn mysk an kantolbrennyer onan kepar ha Mab den, gwiskys yn pows ow trehedhes bys y'n treys, ha grogysys a-dro dhe'n dhiwvronn gans grogys owrek.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 10:1

Ha my a welas ken el nerthek ow tos yn-nans dhiworth nev, ow kwiska kommolenn, ha kammneves war y benn, ha'y fas kepar ha'n howl, ha'y dreys kepar ha kolovenyow a dan.

Diskwedhyans 11:17

ow leverel, ‘Ni a ras dhis, A Arloedh Duw Ollgalloesek, neb os ha neb es, rag ty a gemmeras dha alloes bras ha reynya.

Diskwedhyans 19:12

Ha'y dhewlagas o kepar ha tan ow flammya, ha war y benn yth esa lies diadem; ha hanow skrifys a'n jevo na wodhya denvyth marnas ev y honan.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 6:2

Ha my a welas, hag otta, margh gwynn, ha gwarak gans neb o esedhys warnodho, ha kurun a veu res dhodho, hag ev eth dhe-ves ow fetha ha dhe fetha.