Diskwedhyans 13:16 - An Bibel Kernewek 20234 (Kernewek Kemmyn)

¹⁶ Hag ev a wra dhe bub den, byghan ha bras, ha rych ha boghosek, ha rydh ha keth, degemmeres merk war an dhorn dhyghow, po war an tal,

Diskwedhyans 13:16 ပူးပေါင်းရင်းမြစ်များ

2 Kroniklys 15:13

Piw pynag ny vynna hwilas an Arloedh, Duw Ysrael, y tegoedhva may fedha ledhys, po yowynk po koth, po gour po benyn.

Job 34:19

neb na dhiskwa faverans dhe bennsevigyon, ha na faver an wolusogyon moy es an voghosogyon, drefenn i oll dhe vos ober y leuv?

Salmow 115:13

Ev a vennik an re a berth own a'n Arloedh, kekeffrys byghan ha bras.

Salmow 49:2

Tus isel hag ughel, an den rych ha'n den boghosek war-barth.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Zekaria 13:6

Nebonan a lever dhodho, ‘Pyth yw an goliow ma yntra dha dhiwla?’ Ena ev a lever, ‘An goliow a gemmeris yn chi ow howetha.’

Oberow 26:22

Bys y'n jydh ma my re gavas sokor dhiworth Duw, ha rakhenna my a sev ow tustunia orth byghan ha bras, heb leverel travyth marnas an taklow a leveris ha'n brofoesi ha Moyses y hwrens hwarvos,

1 Korinthianys 12:13

Rag der unn Spyrys ni oll a veu besydhys yn unn korf, Yedhewon po Grekys, kethyon po tus rydh, ha dhyn ni oll y feu gwrys dhe eva yn unn Spyrys.

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

Galatianys 6:17

Alemma rag, bynner re wrello denvyth ri troblow dhymm; rag my a deg merkyow Yesu war ow horf.

Efesianys 6:8

ow kodhvos pub den, py dader pynag a wrello, hag ev keth po rydh, dhe dhegemmeres hemma dhiworth an Arloedh.

Dewteronomi 11:18

Settyewgh ow geryow ma war agas kolonn ha war agas enev, ha kelmewgh i avel tokyn war agas leuv, hag y fydhons soenelligow yntra dha dhewlagas.

Dewteronomi 6:8

ha ty a's kelm avel tokyn war dha leuv, hag y fydhons soenelligow yntra dha dhewlagas.

Kolossianys 3:11

Omma nyns eus Grek na Yedhow, trodreghyans nag antrodreghyans, den barbarus, Skythyas, kethwas, den rydh; mes Krist yw pup-tra, hag yn pup-tra yma ev.

2 Timothi 3:8

Kepar dell settyas Yannes ha Yambres orth Moyses, y'n keth vaner an re ma a sett orth an gwir, shyndys aga brys, anwiw a-dro dhe'n fydh.

Diskwedhyans 11:18

Ha'n kenedhlow o serrys, ha'th sorr yw devedhys, ha'n termyn dhe vreusi an re varow, ha dhe ri gober dhe'th wesyon an brofoesi ha dhe'n syns ha dhe'n re a berth own a'th hanow, dhe'n re vyghan ha'n re veur ha dhe dhiswul an re a dhiswra an dor.’

Diskwedhyans 15:2

Ha my a welas kepar ha pan ve mor gwedrek kemmyskys gans tan: ha'n re a wrussa fetha an best ha'y imaj, ha niver y hanow, ow sevel war an mor gwedrek, ha gansa telynnow Duw.

Diskwedhyans 19:18

may tepprowgh kig myghternedh, ha kig pennhembrenkysi-luyow, ha kig tus nerthek, ha kig mergh ha'ga marghogyon, ha kig pub den ha rydh ha keth, ha byghan ha bras.’

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Diskwedhyans 19:5

Ha lev a dheuth yn-mes a'n tron, ow leverel, ‘Gormelewgh agan Duw, oll y wesyon ha'n re a'n own, byghan ha bras.’

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.

Diskwedhyans 6:15

Ha myghternedh an norvys ha'n dus vras, ha hembrenkysi luyow, ha'n dus rych, ha'n dus krev, ha pub den keth ha den rydh a omgudhas yn mogowyow hag yn karregi an menydhyow.

Diskwedhyans 7:3

ow leverel, ‘Na wrewgh pystiga an dor, na'n mor, na'n gwydh erna sellyn gwesyon agan Duw war aga thal.’