Ha my ow prederi a-dro dhe'n kern, otta, y sevis yn aga mysk onan moy, onan byghan, ha tri a'n kern kynsa a veu diwreydhys a-ragdho; hag otta, y'n korn ma lagasow avel lagasow tus, ha ganow ow leverel taklow meur.
My a dhrehevis ow dewlagas ha mires; hag ottena unn hordh ow sevel war lann an dowrgleudh. Dew gorn a'n jevo, hir aga dew, mes an eyl o hirra ages y gila, ha'n korn hirra a dheuth yn-bann diwettha.
Hag i a wordhyas an dhragon rag hi dhe ri galloes dhe'n best: hag i a wordhyas an best, ow leverel, ‘Piw yw kepar ha'n best, ha piw a yll gwerrya ganso?’
Ha my a welas tri spyrys avlan kepar ha kwilkynyow ow tos yn-mes dhiworth ganow an dhragon, ha dhiworth ganow an best, ha dhiworth ganow an fals profoes.
An best a welsys a veu, ha nyns yw; hag ev a vydh owth yskynna yn-mes a'n pytt diwoeles, ha mos a wra dhe dhiswrians. Hag y fydh marth dhe drigoryon an norvys, na veu skrifys aga hanow y'n lyver a vewnans dhiworth gwrians an bys, pan welons an best, rag yth o, ha nyns yw, hag y fydh.