Diskwedhyans 11:6 - An Bibel Kernewek 20234 (Kernewek Kemmyn)

⁶ Gans an re ma, yma galloes dhe dhegea an ebron, ma na goettho glaw yn dydhyow aga frofoesans, hag yma gansa galloes war dhowrow dh'aga threylya dhe woes, ha gweskel an dor gans pub pla mar venowgh dell vynnons.

Diskwedhyans 11:6 ပူးပေါင်းရင်းမြစ်များ

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

Luk 4:25

Mes dhe wir my a lever dhywgh, yth esa lies gwedhwes yn dydhyow Elias yn Ysrael, pan veu an nev kes teyr blydhen ha hwegh mis, may feu divoetter meur war oll an tir.

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’

Diskwedhyans 16:3

Ha'n nessa a skoellyas y fiol war an mor; hag yth eth kepar ha goes den marow ha pup-tra bew usi y'n mor a verwis.

Diskwedhyans 16:4

Ha'n tressa a skoellyas y fiol war an avonyow ha fentynyow an dowrow, ha goes ethons i ha bos.

Diskwedhyans 8:8

Ha'n nessa el a hwythas, hag y feu tewlys y'n mor kepar ha pan ve menydh meur ow leski gans tan; ha'n tressa rann a'n mor eth ha bos goes;

1 Samuel 4:8

Go-ni! Piw a yll agan delivra a-dhiworth dorn an duwow galloesek ma? An re ma yw an duwow neb a weskis an Ejyptianys gans plagys y'n gwylvos.