Diskwedhyans 10:11 - An Bibel Kernewek 20234 (Kernewek Kemmyn)

¹¹ Hag i a leveris dhymm, ‘Y koedh dhis profoesa arta a-dro dhe lies pobel ha kenedhel, ha taves, ha myghtern.’

Diskwedhyans 10:11 ပူးပေါင်းရင်းမြစ်များ

Yeremia 25:13

Ha my a dhre war an tir na oll ow geryow a leveris er y bynn, pup-tra yw skrifys y'n lyver ma, a brofoesas Yeremia erbynn oll an kenedhlow.

Ezekiel 37:4

Ev a leveris dhymm, ‘Gwra profoesa war an eskern ma, ha lavar dhedha: A hwi eskern sygh, klewewgh ger an Arloedh.

Ezekiel 37:9

Ev a leveris dhymm, ‘Profoes dhe'n anall, gwra profoesa, A vab den, ha lavar dhe'n anall: Yndellma y lever an Arloedh Duw: Deus dhiworth an peswar gwyns, A anall, hag anella war an dus ledhys ma, may fons bew.’

Diskwedhyans 10:10

Ha my a gemmeras an rol-skrifa vyghan yn-mes a leuv an el ha'y dybri, hag y'm ganow hweg kepar ha mel o hi, ha pan y's dybris, ow thorr eth ha bos hwerow.

Diskwedhyans 11:1

Hag y feu res dhymm korsenn kepar ha gwelenn, ow leverel, ‘Sav yn-bann ha musur tempel Duw, ha'n alter, ha'n re a wordh ynno.

Diskwedhyans 11:9

Ha'n re a'n poblow ha'n loethow, ha'n tavosow, ha'n kenedhlow a wra gweles aga horfow tri dydh ha hanter, ha ny wrons gasa aga horfow dhe vos gorrys yn bedh.

Diskwedhyans 14:6

Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,

Diskwedhyans 17:10

Seyth myghtern yns i keffrys: pymp a goedhas, onan yw, ha'n arall ny dheuth hwath, ha pan dheffo, y koedh dhodho gortos berr dermyn.

Diskwedhyans 17:12

Ha'n deg korn a welsys yw deg myghtern na dhegemmeras gwlaskor bys lemmyn mes i a dhegemmer galloes avel myghternedh rag unn our gans an best.

Diskwedhyans 17:15

Hag yn-medh ev dhymm, ‘An dowrow a welsys le may ma an hora esedhys yw poblow ha routhow, ha kenedhlow ha tavosow.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;