Diskwedhyans 1:11 - An Bibel Kernewek 20234 (Kernewek Kemmyn)

¹¹ ow leverel, ‘An pyth a welydh skrif yn rol-skrifa, ha dannvon dhe'n seyth eglos, dhe Efesus, ha dhe Smyrna, ha dhe Pergamum, ha dhe Thyatira ha dhe Sardis, ha dhe Filadelfia, ha dhe Laodikea.’

Diskwedhyans 1:11 ပူးပေါင်းရင်းမြစ်များ

Ysay 30:8

Ke lemmyn, skrif e war leghenn a-ragdha, grav e yn lyver, rag may fo yn dydhyow diwettha dustuni bys vykken.

Yeremia 30:2

Yndellma y lever an Arloedh, Duw Ysrael, ow leverel: Skrif oll an geryow ma re gewsis dhis yn lyver.

Habakkuk 2:2

Ha'n Arloedh a worthybis dhymm, ha leverel: Skrif an welesigeth yn tiblans war leghennow may poennyo neb a's red.

Oberow 16:14

Hag yth esa unn venyn henwys Lydia, marchont yn purpur, a'n sita Thyatira neb o gordhyores Duw, ow koslowes; ha'n Arloedh a igoras hy golonn dhe attendya an taklow kewsys gans Powl.

Oberow 18:24

Hag y teuth dhe Efesus unn Yedhow henwys Apollos, genesik a Aleksandria, gour freth ha skentel y'n skryptors.

Oberow 20:17

Dhiworth Miletus ev a dhannvonas dhe Efesus, ow kelwel henavogyon an eglos.

1 Korinthianys 15:32

Mar omledhis vy orth goedhviles yn Efesus rag skilys nag o saw a dhensys, py les yw dhymm? Mar nyns yw drehevys an re varow, ‘Gwren dybri hag eva, rag a-vorow y ferwyn.’

1 Korinthianys 16:8

Mes my a wra gortos yn Efesus bys yn Penkost,

Efesianys 1:1

Powl, abostol Krist Yesu dre volonjedh Duw, Dhe'n syns usi yn Efesus yw lel yn Krist Yesu:

Dewteronomi 31:19

Ha lemmyn, skrifewgh ragowgh agas honan an gan ma, ha dysk hi dhe vebyon Ysrael, ha gorr hi yn aga ganow, rag may fo an gan ma test ragov erbynn mebyon Ysrael.

Kolossianys 2:1

My a vynn hwi dhe wodhvos pygemmys yw an strivyans usi genev ragowgh hwi, ha rag an re usi yn Laodikea, ha peub na welas ow fas vy y'n kig,

1 Timothi 1:3

Dell y'th pysis ha my ow mos dhe Makedonia, gwra gortos yn Efesus mayth erghi dhe sertan re na rollons ken dyskas,

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,

Diskwedhyans 1:19

Ytho skrif an pyth a welsys, ha'n pyth yw, ha'n pyth a hwyrvydh wosa an taklow ma.

Diskwedhyans 1:2

a dheg dustuni a ger Duw hag a dhustuni Yesu Krist – pup-tra a welas.

Diskwedhyans 1:20

Mysteri an seyth sterenn a welsys a dhyghow dhymm, ha'n seyth kantoler owrek: an seyth sterenn yw eledh an seyth eglos: ha'n seyth kantoler yw an seyth eglos.

Diskwedhyans 1:4

Yowann dhe'n seyth eglos yn Asia: Gras dhywgh hwi ha kres dhiworth neb yw, hag o, hag a dheu ha dhiworth an seyth spyrys usi a-dherag y dron,

Diskwedhyans 1:8

‘My yw an Alfa ha'n Omega’, yn-medh an Arloedh Duw, neb yw, ha neb o, ha neb a dheu, an Ollgalloesek.

Diskwedhyans 10:4

Ha pan gewssa an seyth taran, my a vynnas skrifa: ha my a glewas lev a nev ow leverel dhymm, ‘Gwra selya yn-bann an taklow a leveris an seyth taran, ha na wra aga skrifa.’

Diskwedhyans 14:13

Ha my a glewas lev dhiworth nev ow leverel, ‘Skrif: Gwynnvys an re varow a verow y'n Arloedh alemma rag.’ ‘Ya’, yn-medh an Spyrys, ‘may hallons i powes a'ga lavur, rag yma aga oberow orth aga siwya.’

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’

Diskwedhyans 2:1

‘Dhe el an eglos yn Efesus skrif: Neb a syns an seyth sterenn yn y dhorn dhyghow ha kerdhes yn mysk an seyth kantoler owrek a lever an taklow ma:

Diskwedhyans 2:12

‘Ha dhe el an eglos yn Pergamum skrif: An taklow ma a lever ev ha ganso an kledha lymm dewvinyek:

Diskwedhyans 2:18

‘Ha dhe el an eglos yn Thyatira skrif: An taklow ma a lever Mab Duw a'n jeves dewlagas kepar ha flamm a dan, ha treys kepar ha brest fin:

Diskwedhyans 2:24

Mes dhywgh hwi y lavarav, ha dhe'n re erell yn Thyatira, dhe vyns na'n jeffo an dyskas ma, na wodhva, dell leverons, downderyow Satnas: ny worrav warnowgh begh arall.

Diskwedhyans 2:8

‘Ha dhe el an eglos yn Smyrna skrif: An taklow ma a lever an kynsa ha'n diwettha, a veu marow, ha devedhys yw dhe vewnans:

Diskwedhyans 21:5

Ha neb esa owth esedha war an tron a leveris, ‘Otta, nowydh a wrav pup-tra oll.’ Hag ev a leveris dhymm, ‘Skrif, rag len ha gwir yw an geryow ma.’

Diskwedhyans 22:10

Hag ev a leveris dhymm, ‘Na wra selya yn-bann lavarow profoesans an rol ma: rag ogas yw an termyn.

Diskwedhyans 22:16

‘My, Yesu, re dhannvonas ow el dhe dhustunia dhywgh an taklow ma rag an eglosyow. My yw gwreydhenn hag agh Davydh, an Vorlowenn splann.’

Diskwedhyans 3:1

‘Ha dhe el an eglos yn Sardis skrif: An taklow ma a lever neb a'n jeves an seyth Spyrys a Dhuw, ha'n seyth sterenn: ‘My a aswonn dha wriansow. Yma hanow genes ty dhe vewa, mes marow osta.

Diskwedhyans 3:14

‘Ha dhe el a'n eglos yn Laodikea skrif: An taklow ma a lever an Amen, an test len ha gwir, dalleth kreasyon Duw:

Diskwedhyans 3:4

Byttegyns yma genes nebes henwyn yn Sardis na wrug mostya aga dillas; hag i a wra kerdhes genev, gwynn aga dillas, rag gwiw yns i.

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger: