Dewteronomi 9:3 - An Bibel Kernewek 20234 (Kernewek Kemmyn)

³ Godhvydh ytho hedhyw, yth yw an Arloedh dha Dhuw neb a dreus a-ragos avel tan ow tevorya. Ev a's distru hag ev a's uvelha a-ragos. Ty a gemmer aga eretons ha'ga distrui toeth da kepar dell gewsis dhis an Arloedh.

Dewteronomi 9:3 ပူးပေါင်းရင်းမြစ်များ

Eksodus 23:23

Rag ow el a a-ragos ha'th tri dhe'n Amorysi, ha'n Hittysi, ha'n Perizzysi, ha'n Kananysi, an Hivysi, ha'n Yebusysi, ha my a's distru.

Eksodus 24:17

Ytho omdhiskwedhyans splannder Duw o avel tan ow tewi war benn an menydh a-wel mebyon Ysrael.

Ysay 27:4

Nyns ov vy serrys. A pe spedhas ha spern, y keskerdhsen er aga fynn yn batel ha'ga leski oll yn tien.

Ysay 30:27

Otta, hanow an Arloedh a dheu a bellder, gans sorr ow leski, ha gans mog tew ow mos yn-bann; y dhiwweus yw leun a sorrvann, ha'y daves yw avel tan ow tevorya.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 30:33

Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Mika 2:13

Ev neb a derr an aswa, yskynna a-dheragdha a wra; i a derr der an aswa ha tremena der an yet, ha mos yn-mes dredhi. Aga myghtern a dremen a-dheragdha, an Arloedh orth aga fenn.

Matthew 15:10

Ha wosa ev dhe elwel an routh dhodho, yn-medh ev dhedha, ‘Klewewgh ha konvedhewgh;

Mark 7:14

Ha wosa ev dhe elwel an routh dhodho arta, yn-medh ev dhedha, ‘Goslowewgh orthiv yn kettep penn, ha konvedhewgh.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Efesianys 5:17

Rakhenna, na vedhewgh gokki, mes konvedhewgh pyth yw bolonjedh an Arloedh.

Dewteronomi 1:30

An Arloedh dha Dhuw, usi ow kerdhes a-ragowgh, a omladh ragowgh, kepar dell wrug ragowgh yn Ejyp a-wel dhywgh,

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Dewteronomi 20:4

rag yth yw an Arloedh agas Duw neb a gerdh genowgh dhe vatalyas ragowgh orth agas eskerens, dh'agas sawya.’

Dewteronomi 4:24

Rag an Arloedh dha Dhuw yw tan ow tevorya, Duw avius.

Dewteronomi 7:16

Ha ty a dhevor oll an poblow a wra an Arloedh dha Dhuw aga ri dhis. Ny wra dha lagas kemmeres pita anedha, ha ny wrewgh servya aga duwow, rakhenna dhe vos antell dhis.

Dewteronomi 7:22

An Arloedh dha Dhuw a remov an kenedhlow ma a-ragos tamm ha tamm. Ny yllydh aga distrui toeth men, rag own a'n goedhviles dhe balshe er dha bynn.

Dewteronomi 9:6

Godhvydh ytho nag yw drefenn dha ewnder y hwra an Arloedh dha Dhuw ri dhis an tir da ma dh'y erita, rag ty yw pobel kales dha gilbenn.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Ebrowyon 12:29

rag agan Duw yw tan a gowllesk.

Yoshua 11:12

Yoshua a gemmeras oll sitys an vyghternedh na, hag oll aga myghternedh, ha'ga gweskel gans min an kledha, orth aga sakra dhe dhistruyans, dell worhemmynnsa Moyses gwas an Arloedh.

Yoshua 11:8

ha'n Arloedh a's ros yn leuv Ysrael, neb a's gweskis hag a's chasyas bys yn Sidon Meur, ha bys yn Misrefoth-maym, ha bys yn nans Mispe troha'n howldrevel; hag i a's gweskis, bys pan nag esa gesys dhedha remenant vyth.

Yoshua 14:12

Ytho ro dhymm an vro venydhyek ma, a gewsis anodho an Arloedh y'n jydh na. Ty dha honan a glewas y'n jydh na bos an Anakim ena, ha bos an sitys bras ha kerys; martesen an Arloedh a vydh genev, ha my a's fes, dell leveris an Arloedh.’

Yoshua 3:11

Otta, yma argh kevambos Arloedh oll an nor ow treusi a-dheragowgh y'n Yordan.

Yoshua 3:14

Ytho pan eth an bobel yn-rag dhiworth aga thyldow dhe dreusi an Yordan, an oferysi esa ow toen argh an kevambos eth a-rag an bobel.

Breusysi 4:14

Ena Debora a leveris dhe Barak, ‘Yn-bann! Rag hemm yw an jydh may ros an Arloedh Sisera y'th leuv. Yn tevri yma an Arloedh ow mos yn-mes a-ragos.’ Ytho Barak eth yn-nans a venydh Tabor gans deg mil wour orth y holya.