Dewteronomi 9:29 - An Bibel Kernewek 20234 (Kernewek Kemmyn)

²⁹ Mes i yw dha bobel ha'th eretons a dhresys yn-mes gans dha nerth bras ha'th vregh ystynnys.’

Dewteronomi 9:29 ပူးပေါင်းရင်းမြစ်များ

1 Myghternedh 8:15

Ev a leveris, ‘Benniges re bo an Arloedh, Duw Ysrael, neb gans y leuv re gollenwis an pyth a ambosas a'y anow dhe'm tas Davydh, ow leverel,

1 Myghternedh 8:51

(rag i yw dha bobel ha dha ertach, a dhresys yn-mes a Ejyp, a gres an fornes horn).

Nehemia 1:10

Lemmyn an re ma yw dha servysi ha'th pobel, a dhasprensys dre dha nerth bras ha gans dha leuv grev.

Salmow 100:3

Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

Salmow 106:40

Rakhenna sorr an Arloedh a dhewis erbynn y bobel, hag ev a aborryas y ertach y honan.

Salmow 136:12

dre leuv grev ha dre vregh ystynnys, rag y dregeredh a dhur bys vykken;

Salmow 28:9

Salw dha bobel, ha bennik dha ertach; bydh aga bugel, ha'ga drehevel bynitha.

Salmow 77:15

Gans dha vregh ty re brenas dha bobel, mebyon Yakob ha Yosep. Sela.

Salmow 95:7

Rag ev yw agan Duw, hag yth on ni pobel y beurva, ha deves y leuv. A mynnewgh hedhyw klewes y lev!

Eksodus 19:5

Lemmyn ytho, mars owgh gostydh dhe'm lev ha gwitha ow hevambos, hwi a vydh ow ferghennogeth arbennik ow honan yn mysk poblow oll; rag oll an nor yw dhymm,

Eksodus 33:13

Lemmyn ytho, my a'th pys, mar kevis gras y'th wolok, diskwedh dhymm lemmyn dha fordhow, ma'th aswonniv ha kavoes gras y'th wolok. Preder ynwedh bos an genedhel ma dha bobel.’

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 63:19

Ni re beu a-henys kepar ha'n re na rewlsys warnedha, kepar ha'n re na veu dha hanow gelwys warnedha.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Yeremia 27:5

My re wrug an nor, an den ha'n best usi war an nor, der ow galloes meur ha der ow bregh ystynnys, ha'y ri dhe biwpynag a blekkyo dhymm.

Dewteronomi 32:9

Rag rann an Arloedh yw y bobel; Yakob yw kevrenn y eretons.

Dewteronomi 4:20

An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?

Dewteronomi 9:12

Ena an Arloedh a leveris dhymm, ‘Sav, diyskynn uskis a'n tyller ma; rag dha bobel hag a dhresys yn-mes a Ejyp, re omdhefolas; i re dreylyas toeth da dhiworth an fordh a worhemmynnis dhedha; i re wrug ragdha aga honan imaj teudh.’

Dewteronomi 9:26

Ena my a bysis war an Arloedh ha leverel, ‘Arloedh Duw, na gowldhistru dha bobel ha'th eretons a dhasprensys y'th veuredh, neb a dhresys yn-mes a Ejyp dre leuv grev.