Dewteronomi 9:28 - An Bibel Kernewek 20234 (Kernewek Kemmyn)

²⁸ ma na lavarro tus an tir ma'gan dresys dhe-ves dhiworto, “Drefenn na allas an Arloedh aga dri dhe'n tir a ambosas dhedha, ha drefenn ev dh'aga hasa, ev re's dros yn-mes dh'aga ladha y'n gwylvos.”

Dewteronomi 9:28 ပူးပေါင်းရင်းမြစ်များ

Eksodus 32:12

Prag y tegoedh dhe'n Ejyptianys leverel, “Gans tebel vynnas y hwrug aga dri yn-rag, dh'aga ladha y'n menydhyow, dh'aga howlladha war enep an nor”? Treyl a'th sorr fers ha re bo edrek dhis a'n tebelwrians erbynn dha bobel.

Ezekiel 20:9

Mes my a'n gwrug a-barth ow hanow, ma na vo disakrys a-wel dhe'n kenedhlow mayth esons yn aga mysk, may feuv aswonnys dhedha a-wel dhedha, orth aga dri yn-mes a bow Ejyp.

Niverow 14:16

“Drefenn na allas an Arloedh dri an bobel bys y'n tir a dos y ri dhedha, yndella ev re's ladhas y'n gwylvos.”

Dewteronomi 1:27

ha hwi a grodhvolas yn agas tyldow ha leverel, ‘Drefenn an Arloedh dh'agan kasa, ev re'gan dros yn-mes a bow Ejyp dh'agan ri yn leuv an Amorysi, dh'agan diswul.

Dewteronomi 32:27

na ve my dhe berthi own a sorr an eskar, ma na wrella y envi kammgonvedhes, ma na lavarrens, ‘Agan leuv yw ughel; ny veu an Arloedh neb a wrug oll hemma.’

Dewteronomi 9:27

Porth kov a'th servysi Abraham, Ysak, ha Yakob; na vir orth gorthter an bobel ma, nag orth hy hammweyth, nag orth hy fegh,

Yoshua 7:9

An Kananysi hag oll annedhysi an tir a glew anodho, ha'gan kyrghynna, ha treghi dhe-ves agan hanow dhiworth an tir. Ena pandr'a wre'ta rag dha hanow bras?’