Dewteronomi 9:23 - An Bibel Kernewek 20234 (Kernewek Kemmyn)

²³ Ha pan y'gas dannvonas an Arloedh dhiworth Kadesh-barnea, ow leverel, ‘Yskynnewgh hag eritewgh an tir a res dhywgh’, hwi a rebellyas erbynn gorhemmynn an Arloedh agas Duw, ha ny gryssowgh dhodho na goslowes orth y lev.

Dewteronomi 9:23 ပူးပေါင်းရင်းမြစ်များ

Salmow 78:22

drefenn na gryssons yn Duw na fydhya yn y selwyans ev.

Ysay 63:10

Mes i a rebellyas ha grevya y Spyrys sans; rakhenna ev a dreylyas dhe vos eskar dhedha, hag ev y honan a vatalyas orta.

Niverow 13:1

An Arloedh a leveris dhe Moyses,

Niverow 14:1

Ena oll an kuntelles a dhrehevis kri ughel; ha'n bobel a oelas an nos na.

Niverow 14:2

Ha mebyon Ysrael oll a grodhvolas war Moyses hag Aron; oll an kuntelles a leveris dhedha, ‘A marwen yn pow Ejyp! Po a marwen y'n gwylvos ma!

Niverow 14:9

Mes, na sevewgh erbynn an Arloedh; ha na berthewgh own a bobel an tir, rag bara yns i ragon; aga skoes yw kemmerys a-dhiworta, hag yma an Arloedh genen; na berthewgh own anedha.’

Dewteronomi 1:2

Yma kerdh a unnek dydh dhiworth Horeb dre fordh menydh Seir bys yn Kadesh-barnea.

Dewteronomi 32:20

Ev a leveris, My a gudh ow fas dhiworta, ha my a wel pandr'a vydh aga diwedh; rag yth yns i henedh gorth, mebyon heb lelder ynna.

Ebrowyon 4:2

Rag devri an nowodhow da a dheuth dhyn ni par dell wrug dhedha i ynwedh; mes an negys a glewsons, ny veu dh'aga les, drefenn na vons kesunys yn fydh gans an re a glewas.