Dewteronomi 9:15 - An Bibel Kernewek 20234 (Kernewek Kemmyn)

¹⁵ Ytho my a dreylyas ha diyskynna dhiworth an menydh, ha'n menydh ow tewi gans tan, ha diw leghenn an kevambos y'm diwleuv.

Dewteronomi 9:15 ပူးပေါင်းရင်းမြစ်များ

Eksodus 19:18

Ha menydh Sinay a veu maylys yn mog, drefenn an Arloedh dhe dhiyskynna warnodho yn tan; ha'n mog anodho a yskynnas avel mog an fornes, ha'n menydh oll a grenas yn feur.

Dewteronomi 5:23

Pan glewsowgh an lev yn-mes a gres an tewolgow, ha'n menydh ow tewi gans tan, hwi a dheuth nes dhymm, oll pennow agas loethow ha'gas henavogyon.

Dewteronomi 4:11

Hwi a dheuth nes ha sevel yn-dann an menydh, ha'n menydh a loskas gans tan bys yn kolonn an nevow, gans tewlder, kommol, ha tewolgow.

Ebrowyon 12:18

Rag ny nessowgh dhe neppyth a yll bos tochys, tan ow tewi, ha tewlder, ha tewlwolow, ha korwyns,

Eksodus 9:23

Ena Moyses a ystynnas y welenn war-tu ha nev; ha'n Arloedh a dhannvonas taran ha keser, ha tan a resas dhe'n nor. Ha'n Arloedh a lesas keser war bow Ejyp;

Dewteronomi 9:16

My a viras, hag otta, hwi re wrussa pegha erbynn an Arloedh agas Duw, ha gul ragowgh leugh teudh; y hwrussewgh treylya toeth da dhiworth an fordh a wrug an Arloedh gorhemmynna dhywgh.