Dewteronomi 8:17 - An Bibel Kernewek 20234 (Kernewek Kemmyn)

¹⁷ Kemmer with na leverri y'th kolonn, ‘Ow nerth ha galloes ow leuv re wrug dhymm an wolusogneth ma.’

Dewteronomi 8:17 ပူးပေါင်းရင်းမြစ်များ

Job 31:25

mar lowenhis drefenn bos meur ow golusogneth, po drefenn ow leuv dhe waynya meur;

Salmow 44:3

Rag ny berghennsons an tir der aga kledha aga honan, ha nyns o aga bregh aga honan a ros budhogoleth dhedha; mes dha leuv dhyghow jy ha'th vregh, ha golow dha fas, rag ty a's kara.

Ekklesiastes 3:6

Prys hwilas, ha prys kelli; prys gwitha ha prys tewlel dhe-ves.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

Yeremia 9:22

Kows, Yndellma y lever an Arloedh: ‘Hwath korfow tus a wra koedha avel teyl war an mes, avel an dhramm war-lergh an myser, ha nagonan ny's kuntell.’

Ezekiel 28:5

Gans dha furneth vras ha'th kenwerth ty re ynkressyas dha rychys ha'th kolonn re beu drehevys drefenn dha rychys.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Hosea 12:8

Yn-medh Efraym, ‘Yn hwir rych ov vy, my re drovyas pythow; yn oll ow lavur ny gevons ynnov kammhynseth, yw pegh.’

Habakkuk 1:16

Rakhenna yth offrynn dh'y roes ha leski offrynnow dh'y roes-draylya; rag bras yw y rann dredha, ha rych yw y boes.

1 Korinthianys 4:7

Rag piw a wel dha vos arbennik? Ha pandra a'th eus na dhegemmersys? Ha mara'n degemmersys, prag y fostydh, kepar ha pan na dhegemmersys?

Dewteronomi 7:17

Mar leverri y'th kolonn, ‘An kenedhlow ma yw brassa agesov; fatell allav vy erita aga thiredh?’ –

Dewteronomi 9:4

Na lavar y'th kolonn, pan wra an Arloedh dha Dhuw aga fesya a-ragos, ‘Yth yw drefenn ow ewnder y hwrug an Arloedh ow dri dhe erita an tir ma.’ Yth yw drefenn sherewynsi an kenedhlow ma y hwra an Arloedh aga fesya a-ragos.

Breusysi 7:2

An Arloedh a leveris dhe Gideon, ‘An re usi genes yw moy es dell eus edhomm dhymm dhe ri an Midyanysi yn aga leuv. Ny wra Ysrael marnas kemmeres an bri dhiworthiv, ow leverel, “Ow leuv evy re'm delivras.”

1 Samuel 2:7

An Arloedh a wra boghosek ha gul rych; ev a iselha, hag ev a ughelha.

1 Samuel 30:23

Mes Davydh a leveris, ‘Ny wrewgh yndella, ow breder, gans an pyth re ros an Arloedh dhyn; ev re'gan gwithas, hag ev re ros an bagas neb a dheuth er agan pynn a-berth yn agan leuv.