Dewteronomi 8:14 - An Bibel Kernewek 20234 (Kernewek Kemmyn)

¹⁴ ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

Dewteronomi 8:14 ပူးပေါင်းရင်းမြစ်များ

2 Myghternedh 14:10

Ty re weskis Edom, dhe wir, ha dha golonn re'th trehevis. Bydh lowen gans an glori ha gorta y'n chi; rag prag y fynnydh entra yn trobel ha koedha, ty ha Yuda genes?’

2 Myghternedh 17:38

Ny wrewgh ankevi an kevambos a wrug vy genowgh. Ny wordhyowgh duwow erell,

2 Kroniklys 26:16

Mes pan ova gyllys krev, gyllys goethus o ynwedh, bys dh'y dhiswrians. Ev o dislen dhe'n Arloedh y Dhuw, hag yth entras yn tempel an Arloedh dhe leski ynkys war alter an ynkys.

2 Kroniklys 32:25

Mes ny worthybis Hezekia yn grasyans a'n dader gwrys dhodho, rag bos y golonn goethus. Ytho konnar a dheuth warnodho ha war Yuda ha war Yerusalem.

Salmow 106:21

I a ankovas Duw aga Selwyas, neb re wrug gwriansow meur yn Ejyp,

Salmow 78:7

Rag may hworrens aga threst yn Duw ha ma nag ankoffens gwriansow Duw, mes gwitha y worhemmynnow;

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Yeremia 2:31

A henedh, gwelewgh ger an Arloedh. A veuv gwylvos dhe Ysrael, po tir a dewlder? Ytho prag y lever ow fobel, ‘Ni yw rydh dhe wandra; ny dheun dhis namoy’?

Yeremia 2:6

Ha ny lavarsons, ‘Ple'ma an Arloedh a'gan dros yn-mes a bow Ejyp, a'gan hembronkas der an gwylvos, dre dir a dhifeythtiryow hag a byttow, dre dir a syghor, hag a skeus ankow dre dir ma na dremenas gour, ha le nag eus trigys den?’

Yeremia 23:27

I a vynn gul dhe'm pobel ankevi ow hanow der aga hunrosow, a leverons an eyl dh'y gila, dell ankovas aga thasow ow hanow drefenn Baal.

Daniel 11:12

Pan vo an ost na kemmerys dhe-ves, y golonn a vydh ughelhes, hag ev a wra dhe dheg-milyow koedha, mes ny wra ev tryghi.

Hosea 13:6

Herwydh an peurwels yw dhedha y fons lenwys; lenwys vons, ha'ga holonn a veu goethus; rakhenna i a'm ankevis.

Niverow 15:39

hag y fydh kribell ragowgh dhe vires warnedhi ha dhe berthi kov a worhemmynnow an Arloedh, dh'aga gul, ha na holyewgh war-lergh agas kolonn agas honan na'gas dewlagas dha honan, owth horya war aga lergh.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Dewteronomi 17:20

rag na vo y golonn ughelhes a-ugh y vreder, ha rag na dreyllyo a-denewen dhiworth an gorhemmynn dyghow na kledh, ha rag may hirhaho y dhydhyow war y ruvaneth, ev ha'y vebyon, yn mysk Ysrael.

Dewteronomi 4:9

Saw kemmer with, ha gwith dha enev gans rach, ma na ankeffi an taklow a welas dha dhewlagas, ha ma na dhibarthons dhiworth dha golonn der oll dydhyow dha vewnans; mes gwra aga dyski dhe'th vebyon, ha dhe vebyon dha vebyon:

Dewteronomi 5:6

My yw an Arloedh dha Dhuw neb a'th tros yn-mes a bow Ejyp, yn-mes a'n chi a gethneth.

Dewteronomi 6:11

ha chiow leun a bup-tra da, na wrussys hwi aga lenwel, ha puthow palyes, na wrussys hwi aga falas, ha gwinlannow hag olewbrennyer, na wrussys hwi aga flansa: ena pan dhybrydh ha bos gwalghys,

Dewteronomi 8:11

Gwayt na ankeffi an Arloedh dha Dhuw, heb gwitha y worhemmynnow, y vreusow ha'y ordenansow esov ow korhemmynna dhis hedhyw.

Dewteronomi 8:13

ha pan gress dha jatel ha dha dheves, hag arghans hag owr a gress dhis, ha pup-tra a'th eus a ynkress,

Breusysi 3:7

Mebyon Ysrael a wrug arta an pyth o drog yn golok an Arloedh, owth ankevi an Arloedh aga Duw, hag ow kordhya an Baalim ha'n Asheroth.