Dewteronomi 6:24 - An Bibel Kernewek 20234 (Kernewek Kemmyn)

²⁴ An Arloedh a worhemmynnis dhyn gul oll an ordenansow ma, dhe berthi own a'n Arloedh agan Duw, rag may fo yn ta dhyn pub dydh oll, dh'agan gwitha yn few kepar ha hedhyw.

Dewteronomi 6:24 ပူးပေါင်းရင်းမြစ်များ

Salmow 41:2

An Arloedh a'n gwith hag a'n bewha; gwynnvys vydh ev war an nor. Ha ny'n delivrydh dhe vodh y eskerens.

Salmow 41:3

An Arloedh a'n menten war y weli pan yw klav; yn y gleves ty a yaghha oll y gwannegredhow.

Salmow 66:9

neb a with agan enev yn bewnans, ha ny as agan treys dhe drebuchya.

Eksodus 20:20

Ha Moyses a leveris dhe'n bobel, ‘Na berthewgh own; rag Duw yw devedhys dh'agas previ, ha may fo an own anodho a-rag agas dewlagas, ha ma na begghowgh.’

Lavarow Koth 22:4

An pewas rag uvelder hag own an Arloedh yw rychys hag enor ha bewnans.

Lavarow Koth 9:12

Mars osta fur, yth yw rag dha les dha honan, mes mar skornydh, ty dha honan a'n perth.

Ysay 3:10

Leverewgh dhe'n den gwiryon, y fydh da ragdho, rag i a dheber frut aga gwriansow.

Yeremia 32:39

My a re dhedha unn golonn hag unn fordh, ma's tevydh own ahanav bys vykken, dh'aga les, ha dhe les aga mebyon war aga lergh.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Luk 10:28

Hag ev a leveris dhodho, ‘Ewn y hworthybsys; hemma gwra, ha ty a vew.’

Romanyon 10:5

Rag Moyses a skrif a-dro dhe ewnder an lagha, ‘An den a wra an taklow ma a vew dredha.’

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 4:4

mes hwi neb a lenas orth an Arloedh agas Duw, hwi oll yw bew hedhyw.

Dewteronomi 6:2

rag may perthi own a'n Arloedh dha Dhuw, dhe witha oll y ordenansow ha'y worhemmynnow esov ow korhemmynna dhis oll dydhyow dha vewnans, ty, ha'th vab, ha mab dha vab, rag may fo hir dha dhydhyow.

Dewteronomi 6:23

Ev a'gan dros yn-mes alena, rag ma'gan drolla a-ji, dhe ri dhyn an tir a dos dh'agan tasow.

Dewteronomi 8:1

Gwaytyewgh gul oll an gorhemmynn a wrav vy y worhemmynna dhis hedhyw, rag may fewowgh hag ynkressya ha dos hag erita an tir a dos an Arloedh dh'agas tasow.

Dewteronomi 8:3

Ev a'th uvelhas, ha'th wul dhe vos nownek, ha'th voesa gans manna na aswonnsys ha ny'n aswonnsons dha dasow; rag ma'th wrella dhe aswonn nag yw dre vara unnsel y few den, mes ev a vew dre bup-tra oll a dheu yn-mes a anow an Arloedh.