Dewteronomi 5:5 - An Bibel Kernewek 20234 (Kernewek Kemmyn)

⁵ Yth esen vy ow sevel ynter an Arloedh ha hwi y'n tor' na dhe dherivas dhywgh ger an Arloedh; rag hwi a gemmeras own a'n tan, ha ny yskynnsowgh dhe'n menydh. Ev a leveris,

Dewteronomi 5:5 ပူးပေါင်းရင်းမြစ်များ

Galatianys 3:19

Prag ytho an lagha? Keworrys veu drefenn drogoberow, erna dheffo an hasenn may feu gwrys dhedhi an ambos, ordenys der eledh, yn leuv mayn.

Eksodus 19:16

Dhe vyttin an tressa dydh yth esa taran ha lughes, ha kommolenn dew war an menydh, ha son pur ughel an hirgorn may krenas oll an bobel esa y'n kamp.

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.

Yeremia 30:21

Ha'ga fennsevigyon a vydh kemmerys a'ga honan, ha'ga governour a dheu a'ga mysk; my a'n dre yn ogas, hag ev a dheu nes dhymm, poken piw a vedha nesa dhymm? yn-medh an Arloedh.

Salmow 106:23

Rakhenna ev a leveris y hwrussa aga diswul, na saffa Moyses y dhewisys a-dheragdho y'n aswa, rag treylya y sorr dhe-ves ma na's diswrello.

Dewteronomi 5:27

Ty ke nes, ha klew oll a lever an Arloedh agan Duw, ha ty a lever dhyn pup-tra a gews an Arloedh agan Duw dhis, ha ni a'n klew ha'y wul.’

Niverow 16:48

Hag ev a sevis ynter an re varow ha'n re vew; ha'n pla a veu lettys.

Jenesis 18:22

Ha'n wer a dreylyas alena ha mos troha Sodom; mes Abraham a sevi hwath dherag an Arloedh.

Eksodus 19:21

Ha'n Arloedh a leveris dhe Moyses, ‘Diyskynn ha gwarnya an bobel ma na steffyons yn-bann dhe'n Arloedh dhe vires, ha lies anedha merwel.

Eksodus 19:25

Ytho Moyses a dhiyskynnas dhe'n bobel, ha kewsel dhedha.

2 Myghternedh 18:4

Ev a gemmeras an tylleryow ughel yn-mes, ha terri an peulveyn, ha treghi yn-nans an Ashera, ha brewi an sarf a vrons re wrussa Moyses, rag bys y'n dydhyow na yth esens fleghes Ysrael ow leski offrynnow dhedhi; henwys veu Nehushtan.