Dewteronomi 5:32 - An Bibel Kernewek 20234 (Kernewek Kemmyn)

³² Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.

Dewteronomi 5:32 ပူးပေါင်းရင်းမြစ်များ

2 Myghternedh 17:37

Gwaytyewgh gwitha an ordenansow, an breusow, an laghys, ha'n gorhemmynnow a skrifas ev ragowgh. Ny wordhewgh duwow erell.

2 Myghternedh 21:8

Ny wrav vy arta diannedhi treys Ysrael yn-mes a'n wlas a res dh'aga thasow, mar kwaytyons gul herwydh pup-tra re worhemmynnis dhedha, ha herwydh oll an lagha a worhemmynnis ow gwas Moyses dhedha.’

2 Myghternedh 22:2

Ev a wrug an pyth o ewn yn golok an Arloedh, ha kerdhes yn fordh Davydh y das, ha ny dreylyas a-denewen dhe'n dyghow na dhe'n kledh.

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Salmow 19:12

Piw a woer konvedhes y gammweythresow? Glanha vy dhiworth ow feghosow kudh.

Salmow 80:19

Treyl ni arta, A Arloedh, Duw an luyow; gwra dhe'th fas golowi, ha ni a vydh selwys.

Lavarow Koth 3:2

rag hirder a dhydhyow ha blydhynyow a vewnans ha kres a vydh keworrys dhis.

Lavarow Koth 4:27

Na dreyl, naneyl dhe'n dyghow na dhe'n kledh; treyl dha droes dhe-ves a dhrog.

Ysay 30:21

Dha dhiwskovarn a glew ger a-dryv dhis, ow leverel, ‘Hemm yw an fordh, kerdhewgh ynni’, pan dreylyowgh dhe'n dyghow, po pan dreylyowgh dhe'n kledh.

Ezekiel 20:19

My yw an Arloedh agas Duw; kerdhewgh y'm ordenansow, ha gwaytyewgh gul ow breusow.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Dewteronomi 11:32

Gwaytyewgh gul oll an ordenansow ha'n breusow esov orth aga ri a-ragowgh hedhyw.

Dewteronomi 12:32

Gwaytyewgh gul pup-tra esov orth y worhemmynna dhywgh; na geworr dhodho, ha na gemmer dhiworto.

Dewteronomi 17:11

Ty a wra war-lergh an dyskans a dhyskons dhis, ha'n vreus a leverons dhis. Na dreyl a-denewen dhiworth an pyth a dherivons dhis, dyghow na kledh.

Dewteronomi 17:20

rag na vo y golonn ughelhes a-ugh y vreder, ha rag na dreyllyo a-denewen dhiworth an gorhemmynn dyghow na kledh, ha rag may hirhaho y dhydhyow war y ruvaneth, ev ha'y vebyon, yn mysk Ysrael.

Dewteronomi 24:8

Yn termyn plag a lovryjyon, gwayt gul gans rach pup-tra a wra an oferysi leviek y dhyski dhis; dell worhemmynnis dhedha, yndella gwayt y wul.

Dewteronomi 28:14

Na dreyl a-denewen dhiworth oll an geryow esov ow korhemmynna dhis hedhyw, dyghow na kledh, dhe gerdhes war-lergh duwow erell dh'aga servya.

Dewteronomi 29:8

Ni a gemmeras aga thir ha'y ri avel eretons rag an Rewbenysi, rag an Gadysi, ha rag hanter-loeth Manasse.

Dewteronomi 6:17

Gwithewgh dour gorhemmynnow an Arloedh agas Duw, ha'y dhustuniow, ha'y ordenansow a worhemmynnis dhis.

Dewteronomi 6:25

Y fydh dhyn ewnder mar kwaytyn ni gul oll an gorhemmynn ma a-wel dhe'n Arloedh agan Duw, kepar dell worhemmynnis dhyn.’

Dewteronomi 6:3

Klew, Ysrael, ha gwayt aga gul, rag may fo yn ta dhis, ha rag may kressyowgh yn feur, kepar dell gewsis dhis an Arloedh Duw dha dasow, yn tir a dhinwa leth ha mel.

Dewteronomi 8:1

Gwaytyewgh gul oll an gorhemmynn a wrav vy y worhemmynna dhis hedhyw, rag may fewowgh hag ynkressya ha dos hag erita an tir a dos an Arloedh dh'agas tasow.

Yoshua 1:7

Mes bydh krev ha bydh pur golonnek, ow kwaytyas gul war-lergh oll an lagha a erghis Moyses ow gwas dhis; na dreyl dhiworti dhe'n barth dhyghow na dhe'n barth kledh, rag bos sewena dhis plepynag yth edh.

Yoshua 23:6

Ytho bedhewgh pur grev, ha gwaytyewgh gul pup-tra yw skrifys yn lyver lagha Moyses, heb treylya a-denewen naneyl dhe'n barth dhyghow na dhe'n barth kledh.

2 Peder 2:21

Gwell via dhedha na wodhviens an fordh a ewnder, es treylya, wosa godhvos, dhiworth an arghadow sans a veu res dhedha.