Dewteronomi 5:29 - An Bibel Kernewek 20234 (Kernewek Kemmyn)

²⁹ Unnweyth a pe dhedha kolonn a'n par ma, dhe berthi own ahanav vy, ha dhe witha oll ow gorhemmynnow pup-prys, rag may fo yn ta dhedha ha dh'aga mebyon bys vykken!

Dewteronomi 5:29 ပူးပေါင်းရင်းမြစ်များ

1 Kroniklys 29:18

A Arloedh Duw Abraham, Ysak hag Ysrael agan tasow, gwith hemma bys vykken yn brys ha prederow kolonn dha bobel, ha kevarwoedh aga holonn troha dhis.

Salmow 106:3

Gwynnvys an re a syns gwirvreus, hag a wra ewnder pup-prys.

Salmow 19:11

Dha was ynwedh yw gwarnys gansa; yma gober meur dhe'n re a wra aga synsi

Salmow 19:12

Piw a woer konvedhes y gammweythresow? Glanha vy dhiworth ow feghosow kudh.

Salmow 78:7

Rag may hworrens aga threst yn Duw ha ma nag ankoffens gwriansow Duw, mes gwitha y worhemmynnow;

Salmow 81:16

Ha my a'th vagsa gans gwaneth a'n gwella, ha gans mel dhiworth an garrek my a'th lanwsa.’

Ysay 3:10

Leverewgh dhe'n den gwiryon, y fydh da ragdho, rag i a dheber frut aga gwriansow.

Ysay 48:18

Unnweyth a koslowes orth ow gorhemmynnow! Ena y fia dha sewena avel avon, ha'th ewnder avel tonnow an mor;

Yeremia 42:6

Mars yw da po drog, ni a vydh gostydh dhe lev an Arloedh agan Duw dhe neb y'th tannvenyn may fo da genen pan vydhyn gostydh dhe lev an Arloedh agan Duw.’

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.

Luk 11:28

Mes ev a leveris, ‘Kyns, gwynnvys an re a glew ger Duw ha'y witha.’

Luk 19:42

ow leverel, ‘Mar kodhves, ty ynwedh, y'n jydh ma an taklow a led dhe gres! – mes lemmyn kudhys yns a'th tewlagas.

Yowann 15:14

Hwi yw ow howetha mar kwrewgh pypynag a worhemmynnav dhywgh.

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Efesianys 6:3

‘may fo da genes ha may fewi termyn hir war an nor.’

Dewteronomi 10:12

Ha lemmyn Ysrael, pandr'a wovynn an Arloedh orthis marnas perthi own a'n Arloedh dha Dhuw, kerdhes yn oll y fordhow, ha'y gara, ha servya an Arloedh dha Dhuw gans oll dha golonn ha gans oll dha enev,

Dewteronomi 10:20

Porth own a'n Arloedh dha Dhuw ha gwra y servya. Glen orto, ha to ren y hanow.

Dewteronomi 11:1

Ytho ty a gar an Arloedh dha Dhuw ha gwitha y jarj ha'y ordenansow ha'y vreusow ha'y worhemmynnow pub termyn.

Dewteronomi 12:25

Na dheber ev rag may fo yn ta dhis ha dhe'th vebyon war dha lergh, pan wredh an pyth yw ewn a-wel dhe'n Arloedh.

Dewteronomi 12:28

Gwayt obaya oll an geryow ma esov orth dha worhemmynna rag may fo yn ta dhis ha dhe'th vebyon war dha lergh bys vykken, pan wredh an pyth yw mas hag ewn a-wel dhe'n Arloedh dha Dhuw.

Dewteronomi 19:13

Na gemmeres dha lagas pita anodho, mes karth kabel an goes gwiryon dhiworth Ysrael, may fo yn ta dhis.

Dewteronomi 22:7

Dannvon dhe-ves an vamm, mes kemmer an re yowynk, rag may fo yn ta dhis, ha may fo hir dha dhydhyow.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Dewteronomi 4:2

Na geworrewgh dhe'n ger esov ow korhemmynna dhywgh, ha na gemmerewgh dhe-ves anodho, dhe witha gorhemmynnow an Arloedh agas Duw esov ow korhemmynna dhywgh.

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.

Dewteronomi 5:16

Enor dha das ha dha vamm dell worhemmynnis an Arloedh dha Dhuw dhis, rag may fo dha dhydhyow hir, ha rag may fo yn ta dhis war an tir a wra an Arloedh dha Dhuw y ri dhis.

Dewteronomi 5:30

Ke, lavar dhedha, “Dehwel dh'agas tyldow.”

Dewteronomi 5:33

Kerdhewgh yn pub fordh a worhemmynnis an Arloedh agas Duw dhywgh, rag may fewowgh ha may fo yn ta dhywgh ha may fo agas dydhyow hir y'n tir a eritowgh.

Dewteronomi 6:17

Gwithewgh dour gorhemmynnow an Arloedh agas Duw, ha'y dhustuniow, ha'y ordenansow a worhemmynnis dhis.

Dewteronomi 6:18

Gwra an pyth yw ewn ha da a-wel dhe'n Arloedh, rag may fo yn ta dhis, ha may tyffi hag erita an tir da a dos an Arloedh dhe'th tasow,

Dewteronomi 6:3

Klew, Ysrael, ha gwayt aga gul, rag may fo yn ta dhis, ha rag may kressyowgh yn feur, kepar dell gewsis dhis an Arloedh Duw dha dasow, yn tir a dhinwa leth ha mel.

Dewteronomi 8:6

Gwith gorhemmynnow an Arloedh dha Dhuw, ow kerdhes yn y fordhow, hag ow perthi own anodho.

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Jamys 1:25

Mes neb a vir y'n lagha berfydh a rydhses ha pesya ynno, heb bos goslowyas a ankev, mes gwrier an ober, gwynnvys vydh an den ma y'n pyth a wra.

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.

Ruth 3:1

Hag yn-medh Naomi hy hweger dhedhi, ‘Ow myrgh, a ny hwilav ragos powes, may fo da genes?