Dewteronomi 5:27 - An Bibel Kernewek 20234 (Kernewek Kemmyn)

²⁷ Ty ke nes, ha klew oll a lever an Arloedh agan Duw, ha ty a lever dhyn pup-tra a gews an Arloedh agan Duw dhis, ha ni a'n klew ha'y wul.’

Dewteronomi 5:27 ပူးပေါင်းရင်းမြစ်များ

Eksodus 18:20

ha ty a wra dyski dhedha an ordenansow ha'n laghys, ha gul dhedha aswonn an fordh a dal dhedha kerdhes ynni, ha'n pyth a goedh dhedha y wul.

Eksodus 19:8

Hag oll an bobel a worthybis war-barth ow leverel, ‘Oll re gewsis an Arloedh ni a'n gwra.’ Ha Moyses a dherivas geryow an bobel dhe'n Arloedh.

Eksodus 20:18

Lemmyn pan glewas oll an bobel an tarenna ha'n lughes ha son an hirgorn ha'n menydh ow tyllo mog, an bobel a's teva own hag a grenas; hag i a sevis a-bell,

Eksodus 20:19

ow leverel dhe Moyses, ‘Ty, kows orthyn ha ni a wra klewes; mes na gewses Duw orthyn, ma na verwyn.’

Eksodus 24:3

Moyses a dheuth ha leverel dhe'n bobel geryow oll an Arloedh hag oll an ordenansow; ha'n bobel oll a worthybis gans unn lev, ha leverel, ‘Oll an geryow re gewsis an Arloedh, ni a's gwra.’

Yeremia 42:5

Ena i a leveris dhe Yeremia, ‘Re bo an Arloedh gwir dhustunier ha len er agan pynn mar ny wren war-lergh pup-tra a dhannvon dhyn an Arloedh dha Dhuw dredhos.

Yeremia 42:6

Mars yw da po drog, ni a vydh gostydh dhe lev an Arloedh agan Duw dhe neb y'th tannvenyn may fo da genen pan vydhyn gostydh dhe lev an Arloedh agan Duw.’

Dewteronomi 5:26

Rag piw eus a bub kig neb a glewas lev an Duw bew ow kewsel yn-mes a gres an tan avelon, ha bewa?

Dewteronomi 5:28

An Arloedh a glewas son agas geryow pan gewssowgh dhymm, ha'n Arloedh a leveris dhymm, ‘My re glewas son geryow an bobel ma, a gowssons dhis; pup-tra a gowssons yw mas.

Ebrowyon 12:19

ha son an hirgorn, ha lev geryow a wra dhe'n gleworyon pysi na vo kewsys dhedha pella geryow.

Yoshua 24:24

Yn-medh an bobel dhe Yoshua, ‘An Arloedh agan Duw a servyn, ha ni a woslow orth y lev.’