Dewteronomi 5:25 - An Bibel Kernewek 20234 (Kernewek Kemmyn)

²⁵ Lemmyn, prag y ferwyn? Rag an tan bras ma a'gan konsum; mar kwren ni pesya klewes lev an Arloedh agan Duw moy, ni a verow.

Dewteronomi 5:25 ပူးပေါင်းရင်းမြစ်များ

Jenesis 3:10

Hag ev a leveris, ‘My a glewas dha lev y'n lowarth ha kemmeres own drefenn ow bos noeth, ytho my a omgudhas.’

Eksodus 20:18

Lemmyn pan glewas oll an bobel an tarenna ha'n lughes ha son an hirgorn ha'n menydh ow tyllo mog, an bobel a's teva own hag a grenas; hag i a sevis a-bell,

Eksodus 20:19

ow leverel dhe Moyses, ‘Ty, kows orthyn ha ni a wra klewes; mes na gewses Duw orthyn, ma na verwyn.’

Galatianys 3:10

Rag myns a fydh yn oberow an lagha yn-dann volleth; rag skrifys yw, ‘Milliges yw pubonan na bes yn oll an gorhemmynnow skrifys yn lyver an lagha, orth aga gul.’

Dewteronomi 18:16

Hemm yw herwydh pup-tra a wovynnsys dhiworth an Arloedh dha Dhuw orth Horeb yn dydh an kuntellyans, ow leverel, ‘Na as vy dhe glewes lev an Arloedh ow Duw byth moy, na weles an tan bras ma arta, ma na verwiv.’

Dewteronomi 18:17

Ha'n Arloedh a leveris dhymm ‘Da yw an pyth a gowssons.

Dewteronomi 33:2

Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.

Dewteronomi 5:24

Yn-medhowgh, ‘Awotta, an Arloedh agan Duw re dhiskwedhas dhyn y wolewder ha'y veuredh, ha ni re glewas y lev yn-mes a gres an tan. Hedhyw ni re welas Duw dhe gewsel gans den, hag ev a vew.

Ebrowyon 12:19

ha son an hirgorn, ha lev geryow a wra dhe'n gleworyon pysi na vo kewsys dhedha pella geryow.

Ebrowyon 12:29

rag agan Duw yw tan a gowllesk.