Dewteronomi 5:22 - An Bibel Kernewek 20234 (Kernewek Kemmyn)

²² An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.

Dewteronomi 5:22 ပူးပေါင်းရင်းမြစ်များ

2 Myghternedh 17:37

Gwaytyewgh gwitha an ordenansow, an breusow, an laghys, ha'n gorhemmynnow a skrifas ev ragowgh. Ny wordhewgh duwow erell.

Eksodus 20:21

Ha'n bobel a sevis a-bell ha Moyses a dheuth nes dhe'n tewlder tew le mayth esa Duw.

Eksodus 24:12

An Arloedh a leveris dhe Moyses, ‘Yskynn dhymm war an menydh, ha gortos ena, ha my a re dhis an leghennow a ven, gans an lagha ha'n gorhemmynn, re skrifis dh'aga dyskans.’

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Dewteronomi 4:33

A glewas pobel bythkweth lev Duw ow kewsel yn-mes a gres an tan, kepar dell re glewsys jy, ha bewa?

Dewteronomi 4:36

Yn-mes a nev ev a wrug dhis glewes y lev rag dha dhyski; ha war an norvys ev a dhiskwedhas y dan bras, ha ty a glewas y eryow yn-mes a gres an tan.

Dewteronomi 5:23

Pan glewsowgh an lev yn-mes a gres an tewolgow, ha'n menydh ow tewi gans tan, hwi a dheuth nes dhymm, oll pennow agas loethow ha'gas henavogyon.

Dewteronomi 5:4

Fas orth fas, an Arloedh a gewsis genowgh war an menydh yn-mes a gres an tan.

Ebrowyon 12:18

Rag ny nessowgh dhe neppyth a yll bos tochys, tan ow tewi, ha tewlder, ha tewlwolow, ha korwyns,