48 dhiworth Aroer usi war lann avon, ha bys yn menydh Siryon (yw Hermon),
kepar ha gluth Hermon a goedh war venydhyow Sion. Rag ena y hworhemmynnis an Arloedh y vennath, bewnans bys vykken ha bynnari.
Dhiworth Aroer usi ryb amal nans Arnon, ha'n dre usi y'n nans, bys yn Gilead, nyns esa tre re grev ragon. An Arloedh agan Duw a ros pup-tra a-ragon.
Ha'n tir ma a eritsyn y'n tor' na, dhiworth Aroer, usi ryb nans Arnon, ha hanter menydh Gilead ha'y drevow: my a'n ros dhe'n Rewbenysi ha'n Gadysi;
Ytho y'n tor' na ni a gemmeras an tir dhiworth leuv dew vyghtern an Amorysi usi dres an Yordan, dhiworth nans Arnon bys yn menydh Hermon
(Sidonim a elow Hermon Siryon, ha'n Amorysi a'n gelow Senir),
hag oll an Araba a'n tu arall dhe Yordan troha'n howldrevel, bys yn mor an Araba, yn-dann ledrow Pisga troha'n howldrevel.