Dewteronomi 4:39 - An Bibel Kernewek 20234 (Kernewek Kemmyn)

³⁹ Ytho godhvydh hedhyw, ha dro arta y'th kolonn, an Arloedh dhe vos Duw yn nev war-vann hag y'n nor a-woeles: nyns eus nahen.

Dewteronomi 4:39 ပူးပေါင်းရင်းမြစ်များ

2 Samuel 7:22

Rakhenna meur osta, A Arloedh Duw; rag nyns eus nagonan avelos, ha nyns eus Duw marnas ty, war-lergh pup-tra a glewsyn gans agan diwskovarn.

1 Kroniklys 17:20

A Arloedh, nyns eus, nagonan avelos, ha nyns eus Duw marnas ty, war-lergh pup-tra a glewsyn gans agan diwskovarn.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

2 Kroniklys 20:6

hag a leveris, ‘A Arloedh, Duw agan tasow, a nyns osta Duw y'n nev? A ny rewlydh war oll gwlaskordhow an kenedhlow? Yma y'th leuv galloes ha nerth, bys ma na yll nebonan sevel orthis.

Salmow 100:3

Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

Salmow 115:3

Mes agan Duw, yma ev y'n nevow; ev re wrug kekemmys a vynnas.

Salmow 135:6

Pup-tra a vynnas an Arloedh, ev a'n gwrug yn nev hag yn nor, y'n moryow hag y'n downderyow oll.

Eksodus 8:10

Hag y leveris, ‘A-vorow.’ Moyses a leveris, ‘Bedhes par dell leverydh, may hwodhvi nag eus nagonan avel an Arloedh agan Duw.

Ysay 1:3

Ojyon a woer y berghennek hag asen presep y vester, mes Ysrael ny woer, ow fobel ny gonvedh.

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 5:12

Yma sowtri ha telynn, tabourik ha pibow, ha gwin yn aga gwledhow, mes ny virons orth gweyth an Arloedh, na gweles ober y dhiwla.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Hosea 7:2

Ny brederons yn aga holonn my dhe govhe oll aga droktra. Lemmyn yma aga oberow oll a-dro dhedha; ymons dherag ow fas.

1 Korinthianys 8:4

Rakhenna, a-dro dhe dhybri offrynnow dhe idolys, ni a woer ‘idol y'n bys ma dhe vos travyth’, ha ‘nag eus Duw vyth saw onan.’

1 Korinthianys 8:6

hwath ragon nyni yma unn Duw, an Tas, dhiworth neb yw pup-tra, ha rag neb yth on ni, hag unn Arloedh, Yesu Krist, dre neb yw pup-tra ha dre neb yth on ni.

Dewteronomi 32:12

An Arloedh y honan a'n hembronka; nyns esa ganso duw estren.

Dewteronomi 32:29

Unnweyth a pens fur ha konvedhes hemma, ha dissernya aga fin!

Dewteronomi 4:35

Y feu diskwedhys dhis, rag may aswonnes an Arloedh dhe vos Duw; nyns eus arall saw unnsel ev.

Dewteronomi 6:4

Klew, Ysrael: An Arloedh agan Duw, yw unn Arloedh;

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

Yoshua 2:11

Ni a glewas, ha'gan kolonn a deudhis, ha nyns esa spyrys gesys yn denvyth a'gas govis; rag an Arloedh agas Duw yw Duw yn nev a-vann ha war an nor a-woeles.

1 Samuel 2:2

‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.