Dewteronomi 4:35 - An Bibel Kernewek 20234 (Kernewek Kemmyn)

³⁵ Y feu diskwedhys dhis, rag may aswonnes an Arloedh dhe vos Duw; nyns eus arall saw unnsel ev.

Dewteronomi 4:35 ပူးပေါင်းရင်းမြစ်များ

2 Samuel 22:32

Rag piw yw Duw marnas an Arloedh? Ha piw yw karrek marnas agan Duw ni.

2 Samuel 7:22

Rakhenna meur osta, A Arloedh Duw; rag nyns eus nagonan avelos, ha nyns eus Duw marnas ty, war-lergh pup-tra a glewsyn gans agan diwskovarn.

1 Myghternedh 8:60

may hwodhvo poblow an bys bos an Arloedh Duw; nyns eus nahen.

2 Myghternedh 19:19

Lemmyn, A Arloedh agan Duw, my a'th pys, saw ni yn-mes a'y leuv, may hwodhvo oll gwlaskordhow an norvys ty dha honan, A Arloedh, dhe vos Duw.’

1 Kroniklys 17:20

A Arloedh, nyns eus, nagonan avelos, ha nyns eus Duw marnas ty, war-lergh pup-tra a glewsyn gans agan diwskovarn.

Salmow 100:3

Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

Salmow 58:11

Ha tus a lever, ‘Yn hwir yma pewas dhe'n den gwiryon; yn hwir yma Duw a vreus y'n nor.’

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Eksodus 8:10

Hag y leveris, ‘A-vorow.’ Moyses a leveris, ‘Bedhes par dell leverydh, may hwodhvi nag eus nagonan avel an Arloedh agan Duw.

Eksodus 8:6

Ytho, Aron a ystynnas y dhorn dres dowrow Ejyp; ha'n kwilkynyow a dheuth ha kudha pow Ejyp.

Eksodus 9:14

Rag an dreveth ma my a wra dannvon oll ow flagys war dha golonn, ha war dha servysi ha war dha bobel, may hwodhvi nag eus nagonan avelov vy yn oll an nor.

Ysay 43:10

‘Hwi yw ow dustunioryon’, y lever an Arloedh, ha'm gwas a dhewisis, rag may hwodhvowgh ha krysi dhymm, ha konvedhes, my dhe vos ev. Kyns my ny veu Duw formys, na ny vydh nevra war ow lergh.

Ysay 44:6

Yndellma y lever an Arloedh, Myghtern Ysrael, ha'y Dhasprenyas, Arloedh an luyow: My yw an kynsa ha my yw an diwettha, hag a-der my nyns eus duw.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 45:5

My yw an Arloedh, ha nyns eus ken; a-der my nyns eus duw; my a'th arv, kyn na'm aswonnsys,

Mark 12:29

Yesu a'n gorthybis, ‘An kynsa yw, “Klew, A Ysrael; an Arloedh agan Duw yw unn Arloedh;

Mark 12:32

An skriba a leveris dhodho, ‘Yn ta, Mester, ty re gewsis an gwiryonedh, “Onan yma, ha nyns eus arall marnas ev”,

1 Korinthianys 8:4

Rakhenna, a-dro dhe dhybri offrynnow dhe idolys, ni a woer ‘idol y'n bys ma dhe vos travyth’, ha ‘nag eus Duw vyth saw onan.’

1 Korinthianys 8:6

hwath ragon nyni yma unn Duw, an Tas, dhiworth neb yw pup-tra, ha rag neb yth on ni, hag unn Arloedh, Yesu Krist, dre neb yw pup-tra ha dre neb yth on ni.

Dewteronomi 32:12

An Arloedh y honan a'n hembronka; nyns esa ganso duw estren.

Dewteronomi 32:23

My a worr bern a dhrogow warnedha; oll ow sethow a spenav warnedha.

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

Dewteronomi 33:26

Nyns eus nagonan avel an Duw a Yeshurun, usi ow marghogeth dre nev dhe'th weres, hag yn y veuredh war an kommol.

Dewteronomi 4:39

Ytho godhvydh hedhyw, ha dro arta y'th kolonn, an Arloedh dhe vos Duw yn nev war-vann hag y'n nor a-woeles: nyns eus nahen.

Dewteronomi 6:4

Klew, Ysrael: An Arloedh agan Duw, yw unn Arloedh;

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

1 Samuel 2:2

‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.