Dewteronomi 4:33 - An Bibel Kernewek 20234 (Kernewek Kemmyn)

³³ A glewas pobel bythkweth lev Duw ow kewsel yn-mes a gres an tan, kepar dell re glewsys jy, ha bewa?

Dewteronomi 4:33 ပူးပေါင်းရင်းမြစ်များ

Eksodus 20:22

Ha'n Arloedh a leveris dhe Moyses, Yndellma ty a lever dhe vebyon Ysrael: ‘Hwi re welas agas honan my dhe gewsel orthowgh a nev.

Eksodus 24:11

Ha ny worras y dhorn war vryntinyon mebyon Ysrael; i a viras war Dhuw, ha dybri hag eva.

Eksodus 33:20

Mes y leveris, ‘Ny welydh ow fas; rag ny'm gwel den ha bewa.’

Dewteronomi 4:36

Yn-mes a nev ev a wrug dhis glewes y lev rag dha dhyski; ha war an norvys ev a dhiskwedhas y dan bras, ha ty a glewas y eryow yn-mes a gres an tan.

Dewteronomi 5:22

An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.

Dewteronomi 5:24

Yn-medhowgh, ‘Awotta, an Arloedh agan Duw re dhiskwedhas dhyn y wolewder ha'y veuredh, ha ni re glewas y lev yn-mes a gres an tan. Hedhyw ni re welas Duw dhe gewsel gans den, hag ev a vew.

Dewteronomi 5:26

Rag piw eus a bub kig neb a glewas lev an Duw bew ow kewsel yn-mes a gres an tan avelon, ha bewa?

Dewteronomi 5:4

Fas orth fas, an Arloedh a gewsis genowgh war an menydh yn-mes a gres an tan.

Dewteronomi 9:10

An Arloedh a ros dhymm an dhiw leghenn a ven skrifys dre vys Duw, ha warnedha oll an geryow a gewsis an Arloedh genowgh y'n menydh yn-mes a gres an tan yn dydh an kuntellyans.

Breusysi 6:22

Ena Gideon a wodhya henna dhe vos el an Arloedh, ha Gideon a leveris, ‘Gweres vy, Arloedh Duw! Rag my re welas el an Arloedh fas orth fas.’